立食醬油 海鮮丼 !! $80平民價 ~ 新加坡過江龍 |灣仔食乜好|
廣告
海鮮丼 真是Hit 到一個點，來自新加坡的哲平食堂，一向主打醬油撈 海鮮丼 飯，短短數年於當地連開12間分店， 2015年更被新加坡搵食網站Hungrygowhere 投選為年度最佳日式餐廳，創辦人山下哲平所主理的本店， Waiting List 早已排至九月，人氣度爆燈。
撰文：骰仔 | 攝影：Tommy
六月初開幕的香港分店則不設座位，主打立食和外賣，但路線一樣平民，$80的海鮮丼就可以食齊三文魚、吞拿魚、三文魚子、劍魚、日本海螺和小帶子。
平民飯堂 主打 海鮮丼
食材由日本、挪威等地直送， 全部以秘製福岡醬油調味，配上鮮磨山葵，辛甜開胃，刺身份量更跟飯一樣多， 非常抵食。另有兩款 海鮮丼 、滑蛋豬扒丼、咖喱飯等共8款選擇，$60起就有交易， 加$5可配麵豉湯和飲品。未來亦會供應北海道芝士薯餅、可樂餅等炸物，價錢貼地。
大大碗 海鮮丼
九州醬油 海鮮丼
香甜醬油滲入每粒厚切刺身，啖啖鮮味， 當中日本海螺最鮮甜彈牙。飯底用上日本珍珠米， 煮熟後以三種醋泡上半天，醋酸度恰到好處。
哲平滑蛋豬扒丼
香甜滑蛋和熱辣酥脆的豬扒， 食罷大滿足，不過粉漿略嫌厚。
九州醬油帆立貝
招牌海鮮丼再加上北海道帆立貝，鮮甜到震！一碗有四片厚切，幾抵食。
店內全是立食企位，可從開放式廚房觀看製作過程。
在福岡學藝八年，於01年開設哲平食堂，除了新加坡和香港，曼谷也有分店。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
