浪漫 2人晚餐唔駛$300？！ 小情人Date Night救星

Text: Dining娜
photo: scott

嚟到12月，為咗唔想過「Lonely Christmas」，相信大家都非常積極約會，希望可以同脫離單身（或者「被」單身）！講到Dating呢，撐枱腳就一定唔少得，亦都係同曖昧對象/或者男女朋友增進感情嘅重點活動！不過， 浪漫 嘅高級餐廳對於小情人嚟講可能有啲out budget……唔怕！Dining娜 got you covered~

話說最近有朋友約我去尖沙咀太平洋大廈dinner，我本身都算係3樓R&B Research Bakery嘅熟客，除咗有極邪惡嘅創意American Food之外，最重要係佢面對柏麗大道嘅無敵落！地！玻！璃！窗！係好多少女都鍾意影相呃like嘅地點嚟㗎~

今次呢，我就試咗2樓嘅Applegreen~原來佢同3樓一樣，都係有一排靚靚落地玻璃窗㗎，相信每個女仔見到呢一排窗，已經冧咗一半啦。

睇下Menu先~

原來Applegreen新出咗Dinner for 2，$300都唔駛，除咗任揀2款主菜，仲有2款頭盤、2杯飲品同餐湯添！

鍾意食炸嘢嘅babies就唔好錯過芝士燒烤醬薯格Irish Nachos同蜂蜜柚子雞翼啦！Irish Nachos用咗薯格配上Nachos嘅酸忌廉同牛油果醬，再加埋餐廳自家製嘅超厚切肉煙肉，邪惡同好味程度都爆燈！

而蜂蜜柚子雞翼就係香脆炸雞翼配上酸酸甜甜嘅柚子蜜汁，香口得嚟唔油膩，仲非常貼心咁切成單骨雞翼，等ladies們可以喺男朋友面前靚靚咁食雞翼啦~

我都建議叫返個沙律嘅，開胃嘛！脆杏仁雞絲沙律Salad Diane係美國一啲family restaurant常見嘅沙律，味道傳統得嚟夠晒light，唔駛次次都食Caesar Salad咁悶啦~

主菜方面，選擇亦非常多，食肉獸可以食牛扒同雞，仲有比素食者嘅蔬菜意粉添~

最推介嘅係夏威夷燒肉眼牛扒，一上枱除咗有大大塊6安士嘅牛扒外，仲有燒波蘿同薯條，絕對係大件夾抵食！呢道牛扒一直係Applegreen嘅皇牌，美國直送嘅肉眼扒，配上傳統夏威夷醬汁，啖啖都食到波蘿嘅清新味道呀~

唔食牛嘅你，牛油本菇燒雞就係另一個選擇！撲鼻牛油香氣，配上肉質嫩滑嘅本地黃油雞，仲有大大舊燒薯仔添，真係簡單又令人滿足嘅一套菜~

而巴馬火腿蜜瓜薄餅就夠晒驚喜！由美國進口嘅flatbread，加上係薄切蜜瓜、巴馬火腿同蛋黃醬，睇落去同pizza差唔多，但薄脆口感，加上鹹鹹甜甜嘅味覺衝擊，真係意想不到咁夾咁好味！

後記

呢一餐食得夠晒滿足！高質西餐，加上餐廳setting同窗外風景夠晒浪漫，真係十分推介小情人嚟date night，romantic得嚟銀包唔肉赤！

Applegreen 地址：

尖沙咀彌敦道172-174號太平洋大廈2樓（星期一至四：$298/ 2位，星期五至日：$338/ 2位）[電話：2312 2488]

葵芳興芳路223號新都會廣場第2層267-269號舖 （星期一至四：$298/ 2位，星期五至日：$338/ 2位）[電話：2467 6833]

元朗元龍街9號形點一期地下G10號舖（星期一至四：$298/ 2位，星期五至日：$338/ 2位）[電話：2433 3711]