流浮山窯燒雞因花姐「好難Handle」爆紅！Mirror鏡粉塞爆新蒲崗店買爆汁雞
流浮山窯燒雞因花姐「好難Handle」爆紅 新蒲崗分店日賣過百隻！
「流浮山窯燒雞」之前在流浮山略有名氣，主打以古法窯燒方式烹調燒雞。近年來分別在荃灣及新蒲崗開分店，雖然一直都深受街坊歡迎，不過最近因花姐一個燒雞的IG Story而爆紅，其燒雞出處正是這家「流浮山窯燒雞」新蒲崗分店！原來Mirror成員一直都是這家店的常客，例如Lokman、Edan等都會親自到店內購買燒雞。事件爆出後，一眾鏡粉紛紛到店內潮聖，高峰時段門外多過30人，日賣過百隻！因為每隻燒雞都是即叫即烤，老闆Dymo表示：「Mirror Fans唔知一隻雞要整40分鐘，加上佢哋唔知可以電話落單，令到佢哋等咁耐，真係有啲唔好意思。」
古法荔枝柴窯燒雞 雞身鎖汁一切即爆！
雖然小店因為花姐及Mirror而爆紅，不過據街坊指，燒雞一直都有品質保證，更稱它是「香港最好吃的燒雞」！「流浮山窯燒雞」老闆Dymo本身在飲食行業打滾了30多年，一直致力研究燒雞，希望以最簡單的材料烹調出最原汁原味的燒雞。雞隻選用三黃雞混羊山雞，每日凌晨直送到港後便開始進行醃製、風乾等工序，先以窯燒40分鐘鎖住肉汁，最後猛火燒5分鐘，才做到皮脆肉嫩效果。
老闆指：爆出嚟嘅都係雞汁
外賣燒雞會原盒並附鉸剪送上，剪開後，燒雞會爆出巨量雞汁，老闆指：「爆出嚟嘅都係雞汁，唔係雞油！」入口有陣陣煙燻味，肉身嫩滑，且保留到雞的原汁原味。食用時建議配搭店內自家製的桂花車厘茄，吃起來有陣陣的清新感，而且可以解膩。
老闆：希望即使唔係Mirror Fans 都嚟試吓！等燒雞唔會失傳
老闆Dymo對於今次爆紅事件百感交雜：「我哋必須要多謝花姐同Mirror以及Mirror Fans，我哋唔係想利用Mirror作宣傳，但呢件事的確令生意好轉，亦多咗好多回頭客。宜家做飲食業真係唔容易，但愈多人嚟試（燒雞），試真啲覺得真係好食，先可以令燒雞唔會失傳，保留落去。」
小店其他美食：
- 店名：流浮山窯燒雞（新蒲崗分店）
- 地址：新蒲崗大有街14號萬星工業大廈地下C5B號舖
- 電話：9665 5932
- 營業時間：星期一至日12nn-9:30pm
- 店名：流浮山窯燒雞（荃灣分店）
- 地址：荃灣運通街6號運通洋樓地下K號舖
- 電話：3996 8544
- 營業時間：星期一至日11am-11pm
- 備注：可以電話預訂燒雞
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
