Cafe Hea歎流心芝士豬肉丸! 葵廣 周邊5大至潮美食｜掃街王｜

新開隱秘Hea Cafe 流心芝士豬肉丸

此店本身在石硤尾有間總店，以設計有特色見稱，最近在葵涌的小街開更大間的新店，坐位增多，而且更好坐好Hea。呢度有供應約20款食物，包括好多人鍾意的All Day Breakfast，還有富創意的油炸鬼伴吞拿魚和邪惡烤流心芝士豬肉丸，而石硤尾店將暫停供應食物，主打飲品。

豬肉丸很有口感，裡面包著貴價的Brie Cheese，芝士流心之餘，好香濃，配合黑松露沙律醬，味道挺有層次。

油炸鬼用無油炸鍋炸香，口感相對硬身，但勝在不油膩又健康，夾著吞拿魚和胞煙肉，配搭創新。

假日硬是想食All Day Breakfast，這裡可以自由拼配，當中一定要揀少見的日式蒸蛋，另外芝麻菠菜都是必點呀！

大量日本精品文具售賣

此店除了食物之外，還在日本搜羅了超過800件日本精品及文具，食之餘可以慢慢欣賞文具，喜歡仲可買走添！

這裡環境一流，慢慢Hea好寫意！

留意！即日至5月27日，全單8折，有心試趁快！

TOOLSS
地址：葵芳美芳街2-14號昌鴻大廈地下5號舖（顯示地圖）
電話：3709 9101
營業時間：11am-10pm

文生哥哥 鰻魚蛋包飯+邪惡三文治

好多人都記得的兒童節目主持伍文生哥哥，近年踏足飲食界，開店賣中環茶記「新香園」的名物－蛋牛治，最近又在葵芳開分店，食物升級，先有葵芳店限定的鰻魚蛋包飯，鰻魚入口爽滑，食到油甘香，蛋半生熟，滑嘟嘟，包著茄汁炒飯，清新的茄汁飯剛好中和鰻魚膩感。

新香園蛋牛治 升級版

中環茶記「新香園」名物蛋牛治，出名在用新鮮牛肉和原隻雞蛋，文生哥哥的版本再升一級，加上芝士和餐肉，入口牛肉超有口感，芝士半溶，邪惡到無朋友，不過吃罷真係滿足囉！

SHY Xpress
地址：葵芳美芳街2-14號昌鴻大廈地下09號舖 （顯示地圖）
電話：5606 6740
營業時間：7am-8pm

假日人龍店 流心蛋芝士吐司

此店在區內挺出名，不少人專登走來幫襯，最多人試就是法式芝士流心蛋厚多士，試過覺得真係唔錯，吐司鬆脆，芝士夠多又香，流心蛋澎湃。

另一推介是辣肉醬豬頸肉飯，微辣惹味，豬頸肉有點似叉燒，但相對爽口，成個飯啖啖肉。

食臺
地址：葵芳榮芳路97-111號 （顯示地圖）
電話：3686 0348
營業時間：11am-11pm

必入 葵廣 掃激抵海膽手卷！

好多人都知葵廣美食多，如果出面已經食到太飽，在葵廣只吃一樣嘢，那我Hello Pinkey會提議大家揀海膽手卷，兩個選擇，豐儉由人～

慳家之選！

此店雖在葵廣的穩秘位，但好多人都識路搵食，手卷抵食，呢個海膽手卷，海膽份量雖不多，但勝在新鮮，而且飯仍是暖暖的，不錯～

放假食豪D！

難得入到葵芳，不如食豪D，$45可以食到呢個「半板馬糞海膽」手卷，雖然海膽份量好似無半板咁多，但都唔算少喇，而且入口即溶，又新鮮，呢個價錢交足功課啦！

（a）卷之屋
地址：葵涌廣場1樓B01D （顯示地圖）
備註：星期日及公眾假期休息

（b）問卷 手卷專門店
地址：葵涌廣場地下A48B號舖 （顯示地圖）
備註：星期一休息

街坊推介 辣得有勁彈牙魚蛋

就在地鐵站旁，區內無人不曉，魚蛋實淨足料，辣度十足，很有後勁！牛肉球彈彈的好新鮮，燒賣反而一般。

強記小食
地址：葵芳港鐵葵芳站D出口 （顯示地圖）

**喜歡周圍搵食？快like Hello Pinkey周圍食 專頁，一齊食好嘢啦！
www.facebook.com/hellopinkey