貓山王榴槤、金枕頭榴槤 4大熱賣品種2021上巿！即睇榴槤價錢＋專家選購貼士
廣告
貓山王榴槤、金枕頭榴槤季節到了！但選擇多多，到底買邊款好？今次介紹近期大熱的4大榴槤價錢及品種，有貓山王榴槤、金枕頭榴槤、印尼火山榴槤及黑刺榴槤，並請來專家介紹，到底點揀先最熟最香甜？即刻為你拆解！
撰文：新假期資料室｜圖片：Tony
貓山王榴槤、金枕頭榴槤季節到！4大熱賣榴槤價錢＋品種
榴槤這款水果，大家對它的態度兩極，愛的人視它為寶，恨的人遠遠一見就要逃之夭夭，偏偏最近榴槤當造，到處都見到黃綠尖刺和攻鼻香味！不過適逢榴槤當造期，愛吃榴槤的港人又要出動了！今次會介紹熱賣的4大品種外，更請來油麻地進濤果欄店主Gigi，及香港超過20年採購經驗的生果進口商高盛買手Jeffrey ，教大家揀靚榴槤，自命是榴槤控的你要睇了！
1）馬來西亞貓山王榴槤 香甜濃郁
貓山王在5-9月當造，產自馬來西亞，需要在樹上完熟才收割，所以一拿出來已經會聞到濃烈的榴槤香味，不用再等，可以即食。貓山王特點是味道濃郁，甜中帶甘，質感Creamy，果肉入口即溶，香味直衝味蕾，香甜軟滑，入口即溶，因此有大批Fans！
- 銷售點：AEON（黃埔/康山/屯門） Sunwealth Durian 推廣專櫃
2.馬來西亞黑刺榴槤 香濃爽口
吃開榴槤的，必定知道黑刺這名字。同樣來自馬來西亞，不過由於生長期需要160日以上，故產量相對於貓山王較少。黑刺的果肉甜度及口感極佳，入口味道香甜夠濃，且相當爽口。
- 銷售點：AEON(黃埔/康山/屯門) Sunwealth Durian 推廣專櫃
果肉較一般榴槤黃潤。
3）印尼火山榴槤 肉厚核小
吃慣了馬來西亞及泰國榴槤，不如試試近來大熱的印尼火山。產地來自爪哇、峇里島及蘇拉威西島，6-7月是當造期。外觀個頭小巧，但肉厚核小，達到8:2肉核黃金比例，口感軟綿夠滑，帶淡淡回甘，味道較清甜，榴槤入門者必試！
- 銷售點：AEON(黃埔/康山/屯門) Sunwealth Durian 推廣專櫃
可是於香港首見，由於產地土壤肥沃富礦物質，故讓外觀上較一般榴槤肥美圓潤。
4）泰國金枕頭榴槤 清香爽口
巿面普遍的榴槤，非金枕頭莫屬，相較另一熱賣款式貓山王，金枕頭的味道沒那濃郁，味道較清香，帶絲絲香甜，而且質感較爽口，即使連續吃幾件也不會膩。
- 銷售點：西環新利欄
外型較巨型，要放到室溫變黃才可吃。（參考圖片）
油麻地果欄店主／進口商購買貼士＋品種特點
榴槤款款吸引，但又不知道點揀？大家記得留意以下特點：
- 貓山王外形上會較細隻，特徵是底部有五角星形，代表有五瓣果肉，有時也會見到六星形，多一角就即多一瓣果肉。
- 泰國金枕頭外型較巨型，未完熟就會收割，收割時榴槤外殻仍是青色，要在室溫放到變黃、甚至外殻爆開才是成熟，揀選榴槤時，尖刺越密代表越多果肉。
- 可以刀柄拍打榴槤外殼，當聽到空洞的回音即代表果肉已成熟並已經離殼。
- 生果行內有「細細隻馬騮頭」的說法，即是選擇果型均勻對稱、圓潤飽滿的果實，這類榴槤「殼小肉多」，內裏的果肉均稱而多肉。
- 由於榴槤在一路成熟的過程中會釋放出乙稀，所以樹上熟榴槤不宜以報紙包裹，亦不可久放，否則很容易會過熟。如果榴槤發出酒酸味，代表已經過熟，建議不要食。
Jeffrey Wong
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
關鍵詞
水果
圖片來源：新假期編輯部
