旺角掃街 濃~香~烈！ 榴槤奶蓋茶 ＋榴槤炒雪糕 士多啤梨芝士奶蓋茶
撰文：Joan 攝影：Him
&feature=youtu.be
旺角掃街飲品： 榴槤奶蓋茶
榴槤Fans must try的榴槤奶蓋茶！一大件金枕頭榴槤果肉加自製榴槤茶及冰攪拌，面頭鋪上用榴槤肉、忌廉和淡奶打成的榴槤奶蓋，每一口都有榴槤的香氣，記者建議先嘗一口綿密的奶蓋，有淡淡榴槤幽香，再一啜到底，讓濃烈的榴槤香氣在口中縈繞，又啜到爽口蘆薈粒，飲大半杯都好滿足。
榴槤奶蓋茶足足有700cc，金枕頭榴槤果肉、榴槤茶、榴槤奶蓋，全杯都是榴槤，味道和吃榴槤肉無分別，同樣濃香，又有啖啖蘆薈，冰凍消暑。
單看圖片都感受到綿密的榴槤奶蓋，奶蓋放太久會變酸，一天最少新鮮整兩次。
士多啤梨奶蓋綠茶＋足料水果茶
如果你不是榴槤Fans，小店還有多款奶蓋飲品，撒嬌女人亦是Hot Pick，用了5-7粒韓國士多啤梨加茉香綠茶打成，士多啤梨不會打至全碎，飲時還會啜到果肉，再輕輕鋪上一層芝士奶蓋，粉白色賣相好吸引！奶蓋綠茶還有芒果、西瓜和菠蘿口味，想清香點的可以選水果茶，有9款水果組合，包括菠蘿、西瓜、青檸和橙等，同樣足料，廿幾蚊就有交易。
絕非色素，這杯飲品用了5-7粒韓國士多啤梨打成，啖啖有果肉，配上清香的凍綠茶和芝士奶蓋，一掃熱氣。
兩杯均是茉香綠茶茶底混切件水果，情深深用了菠蘿、蘋果和士多啤梨，偏酸醒神；雨濛濛則是橙、蘋果和士多啤梨，大大杯同樣解渴。
榴槤炒雪糕 十多款Gelato
除飲品外，小店還有多款雪糕，包括乳酪、炒雪糕卷和Gelato。炒雪糕卷除了有Oreo餅、阿華田餅、士多啤梨、香蕉和芒果口味，還有期間限定的榴槤口味，炒雪糕漿時加入金枕頭果肉至成型，幼滑甘甜，愈食愈好味，包三款自選配料，可選爆珠、椰果和彩針等。
期間限定的榴槤口味，清香甘甜，並包三款自選配料。由於炒雪糕即叫即整，需等候5-10分鐘。
乳酪可散叫，但亦可配搭飲品，冰天雪地系列是水果沙冰加乳酪或雲呢嗱雪糕，有西瓜、芒果、蜜瓜、菠蘿和士多啤梨口味。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
