【附足本版專訪片段】森美、陳豪爆笑合體！ 挑戰5分鐘快閃整兔仔便當｜懶人廚房
廣告
暑假又到啦！森美同陳豪合作為大電影《比得兔2: 走佬日記》配音，劇情溫情又搞笑，非常適合一家大細去睇！今次懶人廚房邀請咗佢地，挑戰5分鐘快閃完成兔仔便當！一齊嚟睇吓佢地整成點啦！
撰文：Sumi｜攝影：林志華、Day
森美、陳豪挑戰快閃整兔仔便當！5分鐘搞掂
創意爆燈嘅森美同陳豪合體，今次決定整比得兔便當！呢個組合火花四濺，製作過程中笑料百出，最後製成品非常爆笑！期間兩位仲大講湊仔經，同分享電影配音趣事與困難。
講明係兔仔便當，當然要有隻兔仔啦！兩位就用飯砌成兔仔頭同身。就咁砌咗個外型已經好似啦喎！
好！最重要嘅環節到啦！要整兔仔樣同其他配料～一於睇吓佢地整成點啦！
森美首先用沙律菜墊底，話小朋友要食多啲菜先健康。仲分享咗原來人係天生唔鐘意食蔬菜，因為野外好多菇類同菜類都含有毒素！
陳豪出手切咗粒小番茄做兔仔眼！引來森美一陣爆笑，話咁樣似乳豬多過兔仔喎！望落又真係幾似紅燒乳豬啵～
陳豪用芝士印花，為兔仔製作出一件靚衫！仲用玉子燒做兔仔手，上面放咗2條魚乾。原來係因為呢隻兔仔鐘意做Gym，所以咁大隻，仲有好多手筋！認真搞笑～
製作期間，兩位大方分享湊仔經，覺得時下小朋友生活好豐盛，同佢地以前嘅童年好唔同。
兩位都對今次電影配音工作感到有挑戰性。聽完兩位分享，發現原來要為卡通人物配音並非一件易事！而森美亦大爆陳豪令佢好驚喜，因為出名正經嘅陳豪，竟然可以配到一個好挑皮嘅卡通角色！
撰文：Sumi｜攝影：林志華、Day
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
