【太過份】棉花糖 + 紫薯 ＋ 芭芙！5大香濃紫薯甜品！

1.棉花糖手工特調棉花糖 紫薯 牛奶

冇睇錯！係 紫薯 牛奶！Café 360 今個月推出咗創意棉花糖手工特調飲品系列，其中食材就包括今期大熱嘅 紫薯 。佢哋採用韓國直接進口嘅 紫薯 粉，飲落會有 紫薯 香味，飲嘅時候可以先食一啖棉花糖，再將杯頂剩下嘅棉花糖放入紫薯牛奶，飲落就會充滿棉花糖同 紫薯 嘅香氣～

Café 360
地址：深水埗西九龍中心6樓（顯示地圖）
電話：2761 1328

2. 芭芙專門店出品滑滑 紫薯 蓉芭芙

喺好多地鐵站都有分店嘅CHOUX CREME趕上紫薯熱，今個月頭推出 紫薯 芭芙，用嘅係日本入口 紫薯 ，運用新鮮忌廉配上又濃滑嘅 紫薯 蓉，再加埋一粒粒嘅 紫薯 肉，用料都算足，食落會有 紫薯 香。

CHOUX CREME
地址：觀塘APM LG-2c號鋪（顯示地圖）
電話：2331 9488

3. 足料！濃濃 紫薯 班戟

喺銅鑼灣嘅MYOC除咗賣咖啡之外，都推出咗 紫薯 製嘅甜品！等紫薯控可以一邊食 紫薯 甜品，一邊飲咖啡。呢個 紫薯 班戟十分足料，每個部分都有 紫薯 嘅成份。佢個pancake就加入咗 紫薯 粉，再加上 紫薯 cream同焦糖 紫薯 粒，一啖食落去成口都充滿 紫薯 味！而且所有 紫薯 都係由日本進口㗎。

MYOC
地址：銅鑼灣希雲街12號地下（顯示地圖）
電話：9683 6583

4.獨立包裝台式卷蛋 【 紫薯 幸福奶凍卷】

Honey Granny出名嘅就係佢嘅蜂巢雪糕～不過而家除咗蜂巢雪糕，Honey Granny仲推出咗台中人氣奶凍卷，不過就得鰂魚涌分店先有得買。呢個 紫薯 幸福奶凍卷其實係 紫薯 朱古力味，所用嘅紫薯都係來自日本。外面嘅海綿蛋糕用可可粉製成，內餡就採用 紫薯 加上熬煮過嘅天然薑汁，食落有淡淡薑味，令到呢個配搭唔會太膩。

Honey Granny（鰂魚涌分店）
地址：鰂魚涌海光街36號地舖（顯示地圖）
電話：2562 1323

5. 咖啡店手工蛋糕王子蕃薯芝士蛋糕

座落於荃灣嘅Browny Cafe主要賣咖啡，仲有好多人鍾意嘅益力多系列蛋糕，不過今次當然係介紹返 紫薯 蛋糕match返我地個主題啦～Browny Cafe嘅王子蕃薯芝士蛋糕採用本地或日本進口嘅黃蕃薯同紫蕃薯，加上cream cheese，可以做成凍餅或焗餅，黃紫心蕃薯嘅層次分明，如果選擇焗餅，中間仲會有粒粒 紫薯 ，如果想有口感嘅話焗餅就更啱你口味喇。呢個蛋糕原本喺冬日限定，不過今次店主話會開放賣到9月尾，如果呢段期間去唔到試嘅朋友就要到冬天先有得食啦～

Browny Cafe
地址：荃灣西樓角道202-216號荃昌中心昌寧商場地下66A號舖（顯示地圖）
電話：6821 0145

延伸閱讀：
5大零失敗 月餅 班 潮語紫薯無得輸！
紫薯 也冰火！鐵板雪糕紫薯餅 ！【大埔】