屯門班戟專門店 24款Pancake列陣! 3.5吋 梳乎厘班戟 、可麗餅 |屯門食乜好|

撰文：ning 攝影：Fion

星期五限量 超動L 3.5吋 梳乎厘班戟

這間班戟店雖然店子細細，但所有的班戟都是人手自家製，更有法國藍帶甜品總廚監製。班戟漿、焦糖醬、焦糖脆脆、果醬等全部自家製；為了一道 梳乎厘班戟 ，老闆娘Karman 更去勻日本班戟名店Bills、Gram 等考察，再反覆試驗煮法、時間、火力，才得出最滿意的 梳乎厘班戟 配方。

招牌的巨人班戟，由三塊小 梳乎厘班戟 疊起而成，高近3.5吋，上桌時震騰騰，入口質感輕身，尾段如蛋糕般軟熟，蛋白和蛋黃香很分明。

拿尺一度，足足3.5吋高，老闆說剛出爐時會更脹卜卜，冷卻後會慢慢下榻，相機食先都要快手呀。

梳乎厘班戟內有很多氣孔，食落軟綿綿，很鬆軟。

雜莓醬甜酸度剛好，配Movenpick士多啤梨雪糕，一暖一冷，很過癮。

由於粉漿是即叫即發蛋白製作，再逐客煎，故需時40-60分鐘，且人手有限，只於星期五限量供應，想食要有耐性等下呀。

梳乎厘班戟逐客煎焗，件件都是慢工出細貨。

戀愛版 梳乎厘班戟

除了三件版的巨人班戟，更有放大版的單件5吋闊的 梳乎厘班戟 ，上面放有士多啤梨忌廉、Pina Colada、焦糖香梨、朱古力香蕉等的配搭，更用各種戀愛階段命名，「曖昧」、「愛慕」、「熱戀」、「承諾」，落單的時候場面都幾搞笑。
 

將經典Cooktail Pina Colada製成甜品，菠蘿肉、雲呢嗱雪糕配菠蘿椰子忌廉，滿滿熱帶風情。

面層梨肉用焦糖醬煮過，再加焦糖燒上一層脆皮，食落香甜。

焦糖控注意！極濃海鹽焦糖可麗餅

除了 梳乎厘班戟 ，店子還有用大鐵板煎的三角形法式可麗餅。班戟皮煎得夠薄，口感微脆煙韌，上面唧上自家焦糖醬和脆脆，有海鹽鹹味和微甘，還配一球Movenpick焦糖雪糕，非常香甜，焦糖迷必冧。

至於美式的煎班戟，就比較似平時吃的熱香餅，煎得頗軟熟，蛋味亦好突出。必食伯爵茶蘋果醬班戟，蘋果粒連同伯爵茶葉一同煮至腍身，很清甜。

班戟館 Crêpe N Cream
地址：屯門井財街9號地下20B號舖（顯示地圖）
電話：5185 6114
營業時間：星期一、三 6pm-12mn； 星期二、四至日 2pm-12mn
平均消費：$80/位
備註：梳乎厘班戟逢星期五限量供應；不設加一、只收現金
延伸閱讀：