觀塘裕民坊東羅泰館｜脆皮豬頸肉＋大蝦藍青口冬蔭功湯｜區區搵食
廣告
東羅泰館是觀塘新開的泰國菜，以綠白色系的異國度假風作主調，門前的藤椅成為每人必到的打卡點！店內主打泰國小菜，包括咖喱、小炒、冬蔭功、船麵等，仲有下午茶Set兩人一齊食，平均每位$124就歎到，乘著涼風食Tea好寫意！
東羅泰館觀塘裕民坊全新泰國菜
裕民坊新商場內的餐廳逐漸開幕，記者最近發現裕民坊YM2的平台花園有一間充滿異國情調的泰國餐廳「東羅泰館」，以綠白色作主調，門前擺放了2張藤椅供打卡，加上餐廳面對著平台花園，感覺十分寫意，坐在室外位置乘著涼風，好爽！走到餐廳內，牆上掛起舊區裕民坊的藝術畫，看著已遷拆的建築物，簡直是給觀塘人一個回憶殺！
餐廳全店共1,800呎，主打泰國菜，接近50款泰國街頭小炒、甜品任你揀！還設有泰式下午茶，既有宮廷式的層架，也有8款鹹甜點，西式下午茶大家就食得多，今次泰式Tea Set可以一試！
街頭小炒：大蝦藍青口冬蔭功湯＋蕉葉烤魚
餐廳主打泰國街頭小炒，冬蔭功湯、串燒、咖喱海鮮、船麵等當然絕不例外！其冬蔭功湯可選擇配粉麵，湯底每日以鮮蝦熬製，再加入泰國空運的手造金邊粉，吸收酸辣的濃湯後，口感依然爽口彈牙，配搭大蝦、藍青口、蘑菌等，食完不禁想起泰國旅行掃街畫面。其後推薦脆皮豬頸肉配芒果辣椒醬，組合新奇有趣，但仍然保持泰式酸辣風味。其他菜式還包括香茅椰汁白咖喱雞、蕉葉烤焗香辣魚扒配泰式酸辣醬等，款款香溢惹味，食完大呼過癮！
用上泰國直送新鮮手造幼粉，配鮮蝦湯底，麵底掛汁力強，入口啖啖精華。（圖片來源：東羅泰館）
豬頸肉並不像坊間切片，而是切條，入口會更爽脆！（圖片來源：東羅泰館）
餐廳特意從曼谷東羅區空運當地特調的香茅椰香咖喱，咖喱味道相對香滑。可選配印度薄餅或泰國茉莉香飯，沾著咖喱食最正！（圖片來源：東羅泰館）
用原片新鮮泰國蕉葉包裹著去骨魚扒，以烤焗的方式烹煮，能鎖住魚扒鮮味。（圖片來源：東羅泰館）
入口椰香四溢，加上表面的熱情果醬，酸甜交錯！（圖片來源：東羅泰館）
下午茶8款鹹甜點$124一位！
想不到竟然有泰式下午茶！東羅泰館每日的2點半至5點半供應2人下午茶，既用上港女必打卡的金屬風鳥籠盛載，內有8款泰式鹹甜點及飲品，例如一口鵝肝多士、東羅泰式炸蝦卷、泰式芒果糯米飯及馬卡龍迷你巧克力等，每人平均只需$124，下午茶來說，這個價錢認真抵食，可以一試！
包括5款鹹點、2款甜點及2杯飲品。（圖片來源：東羅泰館）
- 餐廳：ThongLor No.9 東羅泰館
- 地址：觀塘裕民坊 YM2 309 舖（顯示地圖）
- 電話：3618 8200
- 營業時間：星期一至日11:30am-10pm
- Facebook專頁：ThongLorNo.9
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：東羅泰館
