內地火紅 東喜茶 登港！掃街台茶店 冰爽西柚水果茶＋漸層奶蓋西瓜汁｜旺角食乜好
記者：Joan 攝影：Manson
東喜茶 登港 ：消暑水果茶
東喜茶在廣東和上海等地有廿多間分店，店外長期現人龍。香港店Menu有近30款飲品，包括水果茶、奶蓋和純茶系列，和內地店大致相同，只是少了奶茶、咖啡和甜品系列。水果系列飲品較吸引，想飲茶味重的可選水果茶，想飲啖啖果香的可選水果汁，水果從果欄入貨，由店主們親自挑選。茶葉例如紅茶、綠茶等用台灣阿里山茶葉，處理好後由國內工場直送香港，均有茶農驗證，而且標榜「一個茶包只沖一杯茶」，確保茶味夠濃。
冰茶加了西柚果蓉、綠茶和冰打成，不會完全打碎，飲落有少少似沙冰。杯內還有兩片新鮮紅柚，微酸帶甘香，好解渴。
店內皇牌之一的滿杯紅柚，杯內先放兩大片西柚，再倒入打成冰茶的西柚果肉和綠茶，賣相已夠冰涼！同款還有雜果、香橙、檸檬和百香果口味，冰爽果香一掃熱氣，喝完可食埋杯內生果，一杯三四十蚊，都可一試。
貪心點的可以雜果茶，有西瓜、橙、蘋果、百香果和青檸，綠茶底清香帶微微果香，飲完可把水果吃掉。
季節限定果汁：芝士奶蓋＋漸層西瓜汁
奶蓋只有芝士口味，用Cream Cheese加牛奶打發而成，最特別的是奶蓋可選全脂或低脂，健康一族也可放心大啖飲。季節限定的水果沙冰，芒果最具人氣、西瓜的漸層粉紅賣相最靚，另外亦有火龍果和士多啤梨。水果份量落得多，芝士瓜瓜有大半杯都是新鮮西瓜果肉，混少量四季春茶、冰和糖水打成沙冰，面頭厚鋪一層芝士奶蓋，漸層效果靚到要相機食先！
不用飲管，大啖一口啜！先嘗到綿密芝士奶蓋，再喝到冰凍西瓜汁，爽！
同系列還有芒果、火龍果和士多啤梨。
抹茶控亦可試試這杯靜岡抹茶，奶蓋好厚，夠鹹香亦不會蓋過抹茶甘香。
國內部份店舖有座位，香港的是外賣店，亦計劃在觀塘開分店。
東喜茶 Heeretea
地址：旺角豉油街33A舖（顯示地圖）
電話：2950 9992
營業時間：星期一至四12pm-11pm、星期五至日12pm-12am
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
