雞年撐本地雞！元朗良心雞農　自己養雞自己煮

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jan 27 2017

「Farm to Table」，鬼佬玩到爛的飲食概念，香港卻只聞樓梯聲，好多餐廳入吓新界菜，掛羊頭當做咗。最近，在元朗，有間外賣店，開宗名義起革命－－高舉「自家農場新鮮本地雞」的口號，實行自己養雞自己煮！除咗本地雞，仲賣埋新鮮本地蛋，用來做西式甜品，溫泉蛋！身為香港人，梗要力撐！

本地雞是怎樣養成的?

他們雞場沒有地址，到了錦上路車站，要靠主人Gary來接，私家車左轉右轉，沿途多幢村屋，最後停在老舊的紅磚牆前。原本做IT生意的他，十年前從外父手中接手四十年歷史的本地雞場。由鏟雞屎做起，見證鄰居菜田變劏房「全香港得返28個本地雞農，唔做就冇，好可惜。」

香港只剩28個持牌雞農， 28人遠不及政府聲大，他好想身體力行，告訴港人本地鮮雞，比大陸冰鮮雞，更值得信任。

聽Gary說，他的雞場規模現在算數一數二，間成劏房收入可觀，不過這裡一直都保持廿家雞舍，租客是八萬隻雞。

農舍雞成長歷程

Gary說「現在好多細場，由大陸供雞仔養，像我們有雞婆(母雞)生雞蛋，自已孵雞仔，自己撈飼料；唔催生蛋，唔食藥谷肥，由細養大，買少見少。」他說。養雞一條龍，不假手於人，賺得不多，一斤賺三蚊；但換來的除了安全保證，可能就是一份成功感。

破殼1日的脆弱雞苗　需要在恆溫的孵蛋機中等待。

3日的膽小雞仔低頭嚼粟嘰嘰喳喳。

28日活潑的中雞開始長出雞冠和雞毛。

100日的淡定成雞啼嗚響亮。

母雞獲人工授精後，便生出雞蛋，採收後便放進蛋機孵化。

雞苗要早早接種禽流感疫苗，漁農處亦會一星期兩次前來檢查，相當嚴格，Gary話大多數禽流感爆發都是外來鳥類感染，本地雞好無辜。

資優本地雞　誓不低頭

近年Gary積極改良由外父留下的一些土雞種，即是土生土長的本地種，混出了自家品牌「農舍雞」。「由養雞仔開始，我可以從每一批挑一啲靚嘅來交配，改進自己雞種。」他說。「農舍雞的父母，都是肉質含有豐富骨膠原的靚雞，特點是比較細隻，嘴下有撮鬍鬚，食落肉嫩味濃，皮下脂肪少，健康啲。」

這個雞場夠大，自己溝飼料，Gary用的是進口粟米加豆粉、豆油的全素天然治料，雞隻相對健康。

「農舍雞」要吃進口天然粟米黃豆粉，更要養110日，比大陸黃雞多近一個月，斤兩又不及大陸雞肥斯大隻，所以成本高，利錢少「批俾外面雞檔賣，試過做到成績，就畀人溝貨，我寧願收返自己檔口賣，減產都唔想做壞招牌！」Gary氣憤道。於是，三月前，他決心變革，跟兩個廚師，在元朗夾份開外賣店，用西式做法賣「農舍雞」。「我想在這個時代，做一個Made in Hong Kong的品牌。」他揸著軚盤左轉，車走過一列月租三千的村屋劏房，駛向他的新戰線。

自己開店認真慢煮! 做出本地雞真味

從雞場離去，十分鐘路程，便來到元朗雞地的外賣店Fork Eat。

半隻農舍雞已煮好等我，馬上試吃，大概剛見過雞仔可愛有加分，但真的，有種莫名奇妙的感動。

好久沒吃過這樣濃的雞味，不是來自膩人的雞油，而是雞肉本身。即使是雞髀皮，也是脆薄爽嫩，就是雞胸肉，也是細緻多汁。

Fork Eat團隊 Charles、Joe、Gary、Yvette

雞，是坐陣外賣店的是大廚Joe同Charles與雞場女主人Yvette一同炮製。阿Joe是海釣魚癡，阿Charles自己代理西班牙農場黑毛豬火腿，兩人一起做了Private Chef到會生意四年，鑽研sous-vide煮法，志在展現食材原味。他們碰上Gary跟Yvette夫婦，一拍即合，馬上想出要西式慢煮農舍雞。

「先在一個壓力煲，用雞殼加上洋蔥紅蘿蔔，煮一個broth，作為浸雞的調味。」Charles解釋。Joe接著說「雞湯便跟原隻雞入真空袋，放進恆溫80度的熱水中，浸至少3小時，雞能夠熟透，亦不失鮮嫩。」

鮮雞跟雞湯一起低溫慢煮，調味不整色整水，鮮上鮮。雞濃湯每份雞至少跟一大碗，絕無味精，淋雞一流，煮麵亦可。