期間限定餐目｜7大日本職人 夢幻壽司Battle 勝出作品！＠DINING娜
廣告
日本人鍾意搞鬼嘅創意程度，相信喺亞洲區嚟講，日本敢認第二，都冇第一㗎啦～如果有follow開日本壽司界嘅朋友，就知道前陣子舉行咗場 夢幻壽司Battle -「KITCHEN FIGHT」！由八百多位日本職人嘅作品中，精挑細選出5強，先可以爭奪冠軍寶座，戰況相當激烈！
（Presented by Genki）
香港有得食 夢幻壽司Battle 作品
而「KITCHEN FIGHT」期間限定餐目而家都可以喺香港元気寿司全線分店食到啦！今次就為大家介紹5強作品之外，再額外追加2名注目作品！
第1名：三文魚奄列卷 （$22）
三文魚能夠坐上王者寶座一啲都唔令人驚訝。壽司飯包裹住嘅三文魚同生菜，新鮮蔬菜加上開胃蛋黃醬好滋味。而蛋香十足嘅奄列再加上筋子可以稱得上係錦上添花，令到成件事夠晒圓滿。
第2名： 番茄沙律醬炸蝦壽司 （$14）
爽脆生菜再加上原隻炸蝦壽司，上面仲有惹味洋蔥同西蘭花粒，最後淋上微酸番茄沙律醬，好fresh好啱夏天食！
第3名： 今川燒配雲呢拿雪球 （$19）
以紅豆為餡料嘅今川燒係日本傳統小吃，鬆軟得嚟充滿空氣感。夾埋雲呢拿雪球再配上朱古力醬和粒粒朱古力脆米，口感豐富。
第4名： 卡邦尼三文魚唐揚雞壽司 （$19）
三文魚壽司加上香甜炸雞，再淋上充滿異國風味的卡邦尼醬汁，同清新香蔥十分惹味！
第5名： 仙台味噌豬扒左口魚卷 （$19）
仙台味噌豬扒左口魚卷以創新配搭贏得注目，食材多重口感加上魚油香氣，最後鋪上筋子同紫蘇葉，為壽司增添獨特香味～
注目作品：炙燒巴馬臣芝士菠菜三文魚壽司 （$17）
炙燒過後嘅三文魚散發着陣陣魚香，再喺表面塗上蛋黃醬。加上炒香嘅菠菜同粟米粒，最後灑上巴馬臣芝士，慢慢溶入三文魚及壽司醋飯中，日本聯乘意大利嘅mix & match就完成喇～
注目作品： 咖喱三文魚奄列壽司 （$19）
將蛋香四溢嘅奄列放喺三文魚壽司上，濃郁蛋香與誘人嘅魚脂香氣讓人欲罷不能，配以咖喱沙律醬及香炸洋蔥作點綴提升惹味程度，組合出新奇絕妙嘅美味配搭！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
