星爺車仔麵 星爺迷開主題店貼地麵檔 6小時鮮熬雜魚湯＋即叫即製煎釀三寶 50款配料$9起｜區區搵食
廣告
星爺車仔麵是一間位於深水埗的車仔麵檔，特別在於周星馳電影金句作裝潢設計，到處都可看到金句影子，粉絲們可去朝聖。店內車仔麵配料選擇豐富，有約50款，且部份更用上深水埗老字號出品的名物，如樹記豆品、好運製麵等，本土又貼地！
撰文：Rice｜攝影：LamLam
星爺迷深水埗開主題店麵檔
星爺車仔麵 多個金句打卡位
於打卡文青 Cafe 林立的汝州街一帶，最近新開一間以星爺電影主題的車仔麵檔，吸引不少星爺迷來幫襯打卡，緬懷一番。 開得做主題餐廳，場內當然不少得啜核電影金句，《 國產凌凌漆 》、《 逃學威龍 》、《 食神 》等電影當然榜上有名，餐牌更印上《 功夫 》的包租婆及《 九品芝麻官 》的李公公卡通畫像，最搞怪的莫過於廚房檔位掛上「 中國廚藝訓練學院 」的牌匾，說是 一眾影迷的朝聖地也不為過。
6小時鮮熬雜魚湯＋深水埗名物集結
配料$9起
店內以車仔麵作主打，雖是街頭食品，但背後仍落足心機，絕不是如電影般「 失敗中的失敗 」。湯底用上雞骨、豬骨及時令雜魚熬足6小時，鮮魚是老闆兼大廚斌哥每日到北河街街市選 購，再到舖每日鮮熬，入口果然清甜帶鮮。配料選擇豐富，有丸類、餃類、滷味、肉類逾50款。當中更不乏深水埗名物，如麵底用上本地老字號「 好運製麵 」；豆品如鮮枝竹、豆腐、豆漿均出自豆品名店「 樹記 」；餃類也有「 嘉億 」出品的手工西洋菜餃，皮薄餡多，肉汁 Juicy。另有斌哥自製揀手配料，如先焗後燜的牛孖筋、皮爽肉嫩的瑞士雞翼、濃郁惹味的柱侯牛腩等，想食得豪華點，還有手掌般大的上湯花膠及原隻辣味帆立貝，每款配料定價由 $9-13不等，貼地價錢，多叫幾款都不肉赤。
咖喱魚蛋、滷大腸、柱侯牛腩、秘製牛孖筋、原隻辣味帆立貝、上湯花膠、西洋菜餃及鮮枝竹都是最受歡迎配料。記得要蘸上店內秘製的蒜蓉辣椒醬，惹味！
除了車仔麵外，店內還有3款街頭小 食。煎釀三寶是其一，即叫即釀，件件煎得金黃，脆卜卜，很是滋味。
同樣用上鯪魚肉製成，表面帶少許焦香，咬落油香 滿溢且魚香十足。
暖笠笠，簡單配上麻油、胡椒粉已很夠味。不想吃正餐，想來點輕食，不妨試試。
同樣是「樹記」 出品 ， 入口滑溜，豆味濃郁，微甜不過膩。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
