3米長海鮮吧任食生蠔+龍蝦+美式八寶鴨 旺角酒店自助餐 食足3小時！ @Dining娜

搵食又要就腳又要好食又要有特色？Dining娜一定滿足晒你嘅願望！最近經過旺角朗豪坊shopping，就俾啲好鬼靚嘅化妝舞會面具吸引住，以為酒店入面開Party，原來係旺角香港康得思酒店嘅自助餐餐廳The Place做緊「美國新奧爾良狂歡自助餐」，唔係唔即試呀？

旺角酒店食自助餐 感受異國風情

狂歡節原來又叫「肥美星期二」，世界各地每年都會開盛大Party、化妝舞會同埋花車巡遊慶祝，而美國新奧爾良嘅狂歡節最大型同埋出名，個個都會好似開大食會咁，有好多色彩繽紛嘅食物，而家唔使坐長途機，只要喺旺角酒店食自助餐都可以感受到異國風情嘅美食嘉年華，特定信用卡仲有75折添！

無限供應冰鎮生蠔+海鮮

一入門口，Dinning娜已經俾果張足足有3米長嘅冰鎮海鮮吧吸引住！一堆堆嘅龍蝦鉗、阿拉斯加長蟹腳、龍蝦仔、青口、大蝦等係咁同我揮手！全部每日新鮮到港，好新鮮，肉質爽甜，開胃最啱呀！

任食生蠔

食自助餐點少得生蠔？除咗3米長冰鎮海鮮吧仲有每日空運到港嘅美國同埋新西蘭生蠔，雖然唔算大隻，但勝在肥美，爽口鮮甜，生蠔控真係食到停唔到口。

必食熱盤推介：煙肉芝士焗龍蝦+芝士蘑菇焗蠔+美式八寶鴨

除咗凍盤，熱盤都好吸引，亮點有重頭菜式嘅路易斯安那風味煙肉芝士焗龍蝦、芝士蘑菇焗蠔同埋好有特色嘅美式八寶鴨之外，其他帶有異國風情嘅熱盤都唔好走漏眼，例如如新奧爾良海鮮燉湯、卡疆海鮮雜錦飯、肉汁超Juicy嘅香烤豬肉卷、甜辣雞翅同埋香煎肉眼扒等，真係超級大滿足！

特色甜品專區

狂歡節當然唔少得特色美味甜品，例如以經典國王蛋糕、即煎奶油楓糖香蕉班戟、喇叭造型的巧克力千層蛋糕、焦糖香蕉麵包布丁同埋一口甜甜圈等。

THE PLACE-「美國新奧爾良狂歡自助餐」

地址：旺角上海街555號

供應日期：即日至6月30日期間於晚餐時段供應。(每日下午6時30分至9時45分)

訂座電話：3552 3028

自助晚餐：星期日至四及公眾假期:
成人: $618 小童及長者: $438
成人: $658 小童及長者:$478(星期五、六及公眾假期前夕)

備註：匯豐信用卡全日自助餐78折、平日午市自助餐75折 (優惠期到6月30日，受條款及細則約束)