享受日本米滋味的正宗日式餐廳推介！絕對不能錯過！

Feb 18 2022

香港人特別鍾情日本菜、壽司等等都係點食都唔會厭，而當中嘅日本米更可以話係男女老幼都食唔停口嘅人間美食。雖然而家未有得親身「返家鄉」感受地道日本風味，但其實喺香港一樣可以用日本米炮製創意料理品嚐日本米所帶來嘅獨特滋味！人氣餐廳「定食Doraya」、「屋台屋」同埋「狸屋台屋」就為大家帶嚟多款日本米x海鮮嘅搭配菜式，等大家唔使飛去日本都可以享受日本米飯魅力！

日本米4大特點展現獨特滋味與魅力

日本米特別受香港人歡迎，但大家又知唔知當中嘅奧秘係咩？日本米除咗受惠於優良嘅自然環境同水源，再加上日本出色嘅大米生産技術及日本農民工匠精神嘅改良，先得以孕育出如此高質而大受歡迎嘅日本米。

同其他國產米相比，喺日本豐富嘅自然環境下孕育而成嘅日本米相對「軟、糯、甘、香」，再加上每粒米飯都圓潤有光澤，睇落閃閃發光、特別誘人，令人一望到就忍唔住食完一啖又一啖！

而且日本米鮮味十足，配搭和食相當匹配，配以日本產食材，更能將其鮮味一併帶出！

人氣餐廳推介1. 絕不能錯過「定食Doraya」期間限定菜式

除咗可以在家炮製日本米美食之外，人氣餐廳「定食Doraya」更特意打造出日本米x日本産海鮮嘅天作之合搭配菜式，等大家坐定定就可以享受到日本米嘅獨特魅力。

主打海鮮刺身丼嘅「定食Doraya」，每日都會嚴選新鮮食材並活用食材原始嘅味道打造出引人入勝嘅佳餚，輕鬆品嚐到日本四季當造食材嘅原味及鮮味。而今次「定食Doraya」就為大家帶嚟宇和島鯛飯及赤身丼，以日本米嘅香味帶出刺身嘅鮮甜。

宇和島鯛魚飯（$148）
推出日期：即日起至3月31日(四)

宇和島鯛魚&赤身飯（$148）
推出日期：即日起至3月31日(四)

定食Doraya
尖沙咀店
地址: 尖沙咀厚福街8號H8 6樓
電話: 23668072
堂食時間: 12:00-18:00
外賣時間: 12:00-22:30

銅鑼灣店
地址: 銅鑼灣駱克道453號地下
電話: 28348851
堂食時間: 12:00-18:00
外賣時間: 12:00-23:30

※有關最新營業時間，可直接聯絡餐廳查詢。

人氣餐廳推介2. 「屋台屋日本料理」以平民價錢品嚐正宗日本料理

創業於1993年嘅「屋台屋日本料理」被譽為鰂魚涌「街坊老店」，「屋台屋」主打日本家庭料理同親切嘅接客態度，看似平平無奇嘅菜式，其實背後落足心思去炮製，配合埋充滿日本特色風格嘅裝潢，直頭令人有去咗日本嘅感覺。

今次就特別為大家推介期間限定嘅「宇和島鯛魚飯」，日本空運到港嘅時令鯛魚鮮甜味十足，配上經北海道農民經過長年精心研究及改良而成嘅「夢美人」壽司米，兩者嘅味道、口感絕對稱得上係天作之合。

宇和島鯛魚飯（$350）
推出日期：3月1日(二)至3月31日(四)

至於「食肉獸」朋友就可以品嚐期間限定嘅「豚肉生薑燒米漢堡」，彈牙而有韌度嘅日本米配上惹味開胃嘅豚肉生薑燒，絕對會令人食到停唔到口。

豚肉生薑燒米漢堡（$138）
推出日期：3月1日(二)至3月31日(四)

屋台屋日本料理
地址: 鰂魚涌基利路太吉樓地下2號
電話: 28800655

※有關最新營業時間，可直接聯絡餐廳查詢。

人氣餐廳推介3. 「狸屋台屋日本料理」品嚐美食同時欣賞日本陶瓷手藝

至於位於太古城嘅「狸屋台屋日本料理」，除咗會滿足大家嘅味覺之外，同時可以享受埋視覺上嘅滿足。「狸屋台屋日本料理」不但會空運日本時令鮮魚到港，更特別用上日本出名的「九谷燒」陶瓷去盛載刺身或者壽司，撞中時期的話更可以欣賞到昭和或大正時代嘅陶瓷，等大家可以邊品嚐日本料理嘅「鮮」，邊觀賞日本陶瓷嘅「藝」，同時滿足味覺及視覺。