大埔大尾篤日出海灣餐廳新推海鮮放題任食！最平$279食齊龍蝦＋大頭蝦＋蟹最強海鮮山配日落海景露天位｜自助餐我要

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Dec 23 2021

「日出海灣餐廳」為大埔大尾篤新開的村屋餐廳，餐廳面向一望無際180度大海景，配上日落黃昏之際，齋飲返杯都已經好享受！更何況餐廳竟然出海鮮任食2小時套餐，最平$279可以食到6款海鮮，款款即日採購，新鮮肥美。除此之外，仲有單點西餐選擇，食住睇日落景就至歎！

撰文：艾菲｜圖片來源：日出海灣餐廳、IG@_bear.daily

日出海灣餐廳大尾篤新開任食海鮮餐廳

想任食海鮮不一定去酒店！位於大尾篤新開的一間日出海灣餐廳，以村屋地舖開業，地方空曠開揚，重點是餐廳面向180度無敵大海景，白天可以歎盡自然海風，黃昏可以望著鹹蛋黃慢慢升降，夜晚仲有種晚間開Party氣氛！不過餐廳最為吸引的是推出海鮮任食套餐，原價$398的套餐，現時新開業期間，平日只需$279加一便可任食海鮮、配料等，而星期五至日及公眾假期則需要$318加一就食到，相宜的任食價錢加上最強日落海景，引起一眾海鮮掃食王注意！

海鮮Combo任食2小時：6款海鮮＋配料

餐廳的海鮮任食套餐可任食6款海鮮，其海鮮是每日從香港仔漁市場、本地養殖場及流浮山取貨，雖然貨源有時不穩定，不過老闆說保證選取最新鮮及當造食材！海鮮Combo會以大盤盛裝，每晚都需要2位職員才拿得起，證明海鮮份量足夠，款款都肥美。職員會先讓各位食客與巨大的海鮮Combo打卡合照，然後才會讓職員分派食物。