4大新甜品配MOVENPICK雪糕! Pacific Coffee康怡新店新模式|太古有咩好食|

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Mar 18 2016

Pacific Coffee喺太古康怡廣場開了新分店，住太古嘅朋友有福啦！今次Pacific Coffee一改以往大大張紅沙發的風格，變成手繪主題牆同木枱櫈。除了裝修上轉換形象，新分店仲新推出獨有特式甜品，配上Movenpick雪糕和咖啡，就可以歎足一個下晝。另外，新分店首推Cupping Zone，等大家品味咖啡。依家就帶大家去睇下有邊4款美食啦！

四款獨家供應甜品

1. 鐵板朱古力曲奇新地

曲奇就見得多啦，鐵板曲奇我就未見過！呢款鐵板朱古力曲奇新地，大小同迷你Pizza差不多，Order完會熱辣辣送到你面前。曲奇質地軟身，仲可以配法式焦糖燉蛋雪糕，一冷一熱，刺激味蕾！

2. 拖肥朱古力批

拖肥朱古力批，聽個名就已經好邪惡，仲可以同雪糕一齊食，最特別係上枱時會連同一個有焦糖漿嘅針筒，等你可以注入朱古力批，口味又會唔同啲啦！

3.蜜糖吐司

蜜糖吐司用了花蜜，味道清甜；而吐司表面好似一塊磚咁，入面有好多已經切好的麵包粒，仲有配上兩款Movenpick雪糕，雲呢拿和意大利碎朱古力雪糕。如果想食飽啲，一定要叫呢個啦！

4. 蘋果金脆

呢款蘋果金脆，以麵包包住有肉桂香味嘅蘋果粒焗至鬆脆。配上雪糕，與鐵板曲奇一樣，一冷一熱有獨特風味。

今次所有新甜品都係即點即製㗎！而且所有配甜品嘅雪糕都係「MOVENPICK」雪糕，但價錢都唔貴，抵食呀！

首個Cupping Zone

Cupping Zone 即係咖啡調配師同客人間嘅交流平台，可以交流一啲咖啡品味技巧，如果你唔太熟咖啡，咖啡調配師更加會教你點樣品味咖啡。外國一早就有類似嘅活動，恨咗好耐嘅朋友，香港依家喺康怡廣場有Cupping Zone啦！但要留意唔係個個都有得參加，要於3月至5月期間於康怡廣場Pacific Coffee消費最高的Perfect Cup卡會員，先有機會免費參加咖啡Cupping活動。

手沖咖啡櫃檯

特調手沖咖啡櫃檯，鍾意咖啡嘅朋友，不妨可以去佢哋嘅櫃枱睇下究竟一杯咖啡係點沖成，佢哋仲會解釋沖調方式同步驟！

Pacific Coffee
地址：太古康安街 2-8 號康怡花園地下 A1-A2 號舖（顯示地圖）
電話：2172 6548
營業時間：星期一至四 7am-10pm、星期五 7am-10:30pm、星期六 7:30am-10:30pm、星期日及公眾假期 7:30am-10pm
延伸閱讀：
芝士配抹茶雪糕?! 6款變奏芝士新品試食報告|旺角有咩好食|
《太陽的後裔》人氣咖啡室! 跟住仲基、慧喬去潮聖
新假期周刊電子書：
ios：https://itunes.apple.com/hk/app/xin-jia-qi-zhou-kan/id722179449?mt=8

Android：https://play.google.com/store/apps/details?id=com.weekendhk.newsstand2&hl=zh_HK
新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」，搞掂！