新潮海鮮塔 酒樓海鮮夠生猛
酒樓都有海鮮塔食？ 譽宴
韓國海鮮塔呢期紅到發紫，由一段韓國電視台影片被人放上網之後，這股海鮮塔熱潮席捲亞洲多個地方，當然香港會是首當其衝。不過大家想也應該想不到，道理上都是風靡各間韓食店的菜式，話咁快連中菜的酒樓都有得食，而且是近乎完全地將韓式九層塔的概念，移植到這裡。6層高的排場，一上枱連隔籬食客都哇哇聲。12款海鮮用料新鮮喎！12-14頭大連鮑魚、8吋瀨尿蝦、海蝦都唔錯，花甲沙蜆等就有沙兼過熟。
唔同人有唔同感受，眼見現場有一大班食客一試這個中式海鮮塔，睇睇有咩評價先！
食客A（節錄）：頂層我覺得係最好食，瀨尿蝦十分爽口肥味，蒸氣唔會令頂層過熟！反而鮑魚和象拔蚌因為偏熟，口感唔太好食。 (5/10分)（按下收聽食後感完全版）
食客B（節錄）：海鮮係新鮮，但味道太相同， 蒸的時間過長令口感有小小老。價錢合理，海鮮塔上檯時好有氣勢，影低可以俾朋友呃like。 (5/10分) （按下收聽食後感完全版）
食客C（節錄）：海鮮食得出係新鮮，價錢合理，最底層的海鮮湯都幾好飲！但偏低層的海鮮因為蒸的時間過長，令咬落去的口感太硬。 (7/10分) （按下收聽食後感完全版）
食客D（節錄）：六層海鮮都夠食，款式都夠多，但因為係用蒸的煮法，所以味道都比較單一，醬汁較為普通，如果有韓國辣醬汁配搭會更好。 (7/10分) （按下收聽食後感完全版）
譽宴
查詢：2782 6168
價錢：$1,988 (八位用)
備註：需預訂，另收加一及茶芥
2. 足料9層塔 The Seafood Kitchen
唯一供應足9層的海鮮塔餐廳，一次過上枱，吸睛度滿分。也是唯一一間可自選海鮮配搭的餐廳，吃多少層，全部食客話事。
The Seafood Kitchen
地址：西環吉席街18號 (顯示地圖)
電話：2556 8555
營業時間：6pm-12mn
備註：設加一，收信用卡；建議提早一星期訂位。
3. 抵食小巧川菜店 WOW
元朗街坊川菜小店，乘韓風推出海鮮塔。塔高6層，足夠3人共享。小店極細，要有心理準備坐得迫狹，家庭式經營，出菜慢。
WOW
地址：元朗鳳攸南街9號好順利大廈地下61號 (顯示地圖)
電話：3689 5869
營業時間：12nn-2:30pm、6pm-12mn
備註：只收現金；店子很細，建議提早幾天訂位。
4. 全況首間5層海鮮 5ENSES
韓燒舖頭，也是香港首家供應海鮮塔的餐廳，塔高5層。值得讚是服務殷勤，而且環境坐得舒服，布局最有韓國風味。
5enses
地址：北角七姊妹道112-114號合偉大廈1樓 (顯示地圖)
電話：2104 2677
營業時間：11:45am-2:30pm、6pm-10:30pm
備註：設加一，收信用卡；海鮮塔須提早預訂
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
