新年車仔檔小食! 各區12大千奇百趣小食

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Feb 13 2016

成日講話新年車仔檔最有氣氛，那到底車仔檔除了魚蛋燒賣串燒之外仲有乜？我哋發現有好多得意好味嘅小食，幾時都話香港人創意無限㗎啦！每區車仔檔都有佢哋獨一無二嘅特色嘢食，今次就同大家回顧一下新年的車仔檔，一齊睇吓有乜好食啦！

(感謝相片提供：新春掃街情報分享區 (連結) / Cathy Kuo)

呢位腸粉大王係深水埗響哂朵，佢認第二，無人敢認第一！大王嘅腸粉賣到街之巷聞，好多人都冒名而來，雖然依家大王係深水埗開咗店，但係車仔檔人龍不減。因為大王對腸粉嘅認真同執著，堅持用自己磨嘅米漿，真材實料，即場拉腸粉。而且腸粉款式多，叉腸、牛腸、蝦腸，齊！個個食完都拍爛手掌，俾足十個like！

食腸粉嘅時候可以去附近咖喱牛肉餡餅排定隊先，因為條人龍多到你唔信！估計足足要排成粒鐘先可以食到！

嚴敏華（@faningyim）張貼的相片於 2014 年 1月月 31 5:12上午 PST 張貼

薄薄嘅餡餅入面夾住咖喱牛肉，熱辣辣嘅咖喱香噴噴，個餅可以中和咖喱嘅辣，雖然食完好想encore，但講到明掃街就緊係要留肚食埋其他嘢㗎啦。

嚴敏華（@faningyim）張貼的相片於 2014 年 2月月 1 4:56上午 PST 張貼

食啲唔飽肚嘅嘢會唔會無咁勁罪疚感？食雞翼尖就啱哂，唔多肉，點食都唔頂胃，仲可以留肚掃其他小食嘛！雞翼尖用大鐵板炒過，好香，有小小辣，好惹味！

plasticdaily（@plasticdaily）張貼的相片於 2014 年 1月月 31 11:11上午 PST 張貼

覓食覓到上水，又發現多一樣用鐵板炒嘅雞軟骨魷魚。加秘製蒜蓉調味一齊炒，粒粒都好脆好咬口，呢種口感令人不自覺地好想要more！

Patrick_Pang（@pangsfaat）張貼的相片於 2014 年 5月月 14 8:05上午 PDT 張貼

聽講小西灣巴士站對開都有啲車仔檔好新奇！想食玉子燒可以唔駛飛去日本，小西灣都有得食啦！呢份芝士玉子賣相靠得住，玉子上面加咗啲芝士、肉粒同粟米，錦上添花。

Alice . Puiki <3`（@puiki_ho）張貼的相片於 2016 年 2月月 10 5:56上午 PST 張貼

俾我哋喺小西灣野生捕獲到近期香港人最愛嘅芝士撻同紫薯！不過當然無咁悶啦，有車仔檔好創新咁將佢哋mix and match，又整咗啲新嘢食。芝士雪糕蛋撻，又熱又凍嘅口感，非常過癮！芝士蟹肉紫薯，紫薯包住入面嘅芝士同蟹肉，好似平時食果啲芝士波咁！

Tony sze（@sze_tony）張貼的相片於 2016 年 2月月 8 8:04上午 PST 張貼

Bababa Babanana～估唔到掃街會有香蕉食，新年請人食蕉好似唔係幾好，不過好味呀嘛！一樣無阻各位搵食男女為咗條蕉大排長龍！即炸原條香蕉，外層脆卜卜，入面硬林林，食落仲有陣陣嘅香蕉香味，唔係好多地方食得到㗎！

隔離仲有檔炭燒雞蛋仔，食埋先好走！大澳嘅炭燒雞蛋仔伯伯好出名，人龍每天不絕，因為真係夠地道，又好食！今次唔駛特登入大澳啦，呢檔拍得住大澳伯伯，熊熊烈火咁燒雞蛋仔，真係會香啲。

另外，仲有炭燒魷魚。魷魚用炭燒過之後，香味噗鼻，好有漁港風味。

拔絲番薯係掃街嚟講，都算幾特別同少有，未必人人都食過，所以今次我哋把握機會食咗先講！番薯切成一粒粒，好易入口，一定要趁熱食先食得出佢嘅甜同香，加小小白芝麻。一份份量唔多，不過夠食。

將蛋漿倒入預熱嘅pan上，再加入粒粒芝士，仲可以自選配料，食嘅時候芝士溶到一絲絲，唔錯！有啲似格仔餅，不過size細啲。