KitKat麥旋風＋爆爆脆粒！新加坡麥當勞新品 另推紫薯雪糕｜新品速遞

撰文：Sakura 攝影：新加坡麥當勞

新加坡麥當勞推出KitKat麥旋風！

新加坡麥當勞聯乘人氣朱古力品牌KitKat推出麥旋風，香滑的雲呢嗱雪糕再鋪滿KitKat朱古力脆珠，咬落香脆，再配上牛奶朱古力醬，每啖都充滿香濃朱古力味，味道香甜，食多幾杯都仲得，不少新加坡食客已率先試食，近日去新加坡旅遊的話一定要試！

紫薯雪糕

同場仲有紫薯口味雪糕，薰衣草的顏色，賣相吸引，食落有淡淡的紫薯味，雪糕軟滑，啱哂夏天食！

同場加映！

香港麥當勞蝦堡系列回歸！

麥當勞推出蝦堡系列，其中Double 蝦堡亦回歸麥當勞，兩塊炸蝦餅，再加上啖啖蝦肉和醬汁，咬落口感豐富！另外，全新魚柳蝦堡亦將於6月13日起推出，魚柳嚴選阿拉斯加狹鱈魚製成，魚柳外層金黄酥脆，嫩滑可口的狹鱈魚肉，配合香脆炸蝦餅和蛋黃醬，惹味十足！

選用泰國直送蝦餅 滋味蝦堡＋菠蘿蝦堡

滋味蝦堡及菠蘿蝦堡亦同時回歸，滋味蝦堡於鬆軟芝麻麵包，加入泰國直送的蝦餅，配上醒胃惹味的千島醬、芥末醬及爽脆生菜，胃口大開！另外菠蘿蝦堡以鬆軟扭紋芝麻麵包，配上香脆炸蝦餅和爽脆生菜，再加入酸甜菠蘿片及蛋黃醬，味道格外清爽，滋味不斷！

增量裝脆薯格＋全新菠蘿特飲

與蝦堡最佳配搭非脆薯格莫屬！今次特設增量裝，香脆惹味的脆薯格，成班朋友一齊分享就最適合！另再飲杯全新熱帶菠蘿特飲，加入原塊清甜多汁菠蘿，飲落酸酸甜甜，消暑解渴之選！

條款及細則
1.早上 11 時後供應
2.供應期及數量有限，售完即止
3.魚柳蝦堡於6月13日正式推出
4.滋味蝦堡、滋味蝦堡、Double 蝦堡及魚柳蝦堡的供應地點不包括海洋公園、沙田馬場及跑馬地
馬場的麥當勞餐廳
5.增量裝脆薯格、脆薯格及熱帶菠蘿特飲的供應地點不包括沙田馬場及跑馬地馬場的麥當勞餐廳