自製通便整腸飲品｜一星期腰圍減8cm！日本醫生推介3樣材料輕1KG
廣告
通便整腸飲品絕對是有便秘問題的都市人的救星！飲食作息不定時、膳食不協調、壓力過盛等等，都有可能導致便秘問題的發生。日本節目《教えてもらう前と後》就介紹了一種自製飲品整理腸胃，製作非常簡單，大人小朋友都可以整到。節目更進行實測，連續飲一星期除咗解決了便秘問題，仲令腰圍減少8cm，體重仲輕咗1KG！
有效通便整腸飲品！士多啤梨果醋
石原新菜醫生在日本節目《教えてもらう前と後》中教大家自製士多啤梨果醋，每次用餐時飲小小，就可以達到整腸通便的效果。醫生指士多啤梨中含有多酚、維他命C、鈣質、仲有豐富的食物纖維，加上醋的整腸效果，飲用士多啤梨果醋就可以改善腸臟健康，排走宿便。
士多啤梨果醋食譜
士多啤梨果醋的製作十分簡單，先準備好材料，包括士多啤梨（250g）、冰糖（250g）及醋（500ml），再將材料倒進玻璃樽裡搖勻，搖勻後放進雪櫃冷藏1-2日。
整腸飲品食用方法
士多啤梨果醋經雪藏後，只要在每次用餐時飲用一個大湯匙的份量便可，就足夠刺激腸臟蠕動達到通便效果。此外亦可搭配其他食用方法，例如加入梳打水變成飲品，也可加入乳酪中食用。
腰圍減8cm＋輕1KG
節目仲進行實測，嘉賓在沒有特別節食和運動的情況下，只靠飲整腸飲品，腰圍減了8cm，體重亦減了1kg，便秘問題亦得到改善。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：《教えてもらう前と後》、IG@_alyciac
