【自助餐放蛇起底組】$149食盡中日放題 雞煲都任食！
廣告
旺角兆萬出名多 放題 ，每次嚟到都唔知揀邊間好，加上係呢度都中過唔少伏，淆淆地。不過今次呢間餐廳最平$149就可以食到日式+中式 放題 ，有得食埋小炒同雞煲，見平時 放題 都少食到中式野，點都要去試下！
刺身壽司選擇多 質素對得住個價
嗌野食都係用Order紙嘅，都有多過十張紙可以揀，唔錯喎！刺身壽司選擇幾多，除咗Order紙上嘅刺身，而家入座仲會按人頭送返帆立貝、有頭甜蝦同北寄貝，刺身擺盤同樣都唔差。壽司選擇同平時放題嘅差唔多，而且唔會太大件，一啖食得哂唔怕會太飽。
日式燒物炸物都唔錯 仲有得意香蕉仔
食完生冷野食返啲熱野，繼續日式之旅，試埋燒物同炸物！燒物有羊扒、豬軟骨、牛舌等，羊扒燒得岩岩好，食落唔會羶仲夠腍、燒菠蘿多汁且甜；炸物份量足，但天婦羅好厚粉，蓋過哂原本食材嘅味。
飲品選擇唔多 清酒要加錢
飲品出面拎，汽水唔夠齊，但茶類就幾多。雖然宣傳單飲品果度有寫清酒，但細問之下原來要加錢。
中式放題任食雞煲 大大碟炒蜆炒牛肉
呢間放題特別之處在於除咗有日式放題，仲有中式，仲要係平時大排檔食嘅小炒都有，岩哂唔同口味嘅朋友Gathering，中意食中式小菜嘅黎得過！
甜品唔係任食 質素麻麻
總結：整體選擇幾多，仲要有埋中式選擇，中式小炒有驚喜，食物品質亦對得任個價，係日式刺身麻麻，服務亦唔錯。
總分：7/10
櫻花中日放題
地址：旺角西洋菜街1號兆萬中心3樓301號舖(顯示地圖)
電話：3549 8949
營業時間：5pm – 12:30am
$149放題供應時間：入座時間17:00-17:30
用餐時間：入座時間起計2小時（有其他時段2.5小時）
備註：收加一
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
