觀塘試新 放題火鍋店 ＠Dining娜

(Presented by Hey囍)

每次約一大班朋友聚會食飯，火鍋放題都會係一大首選，貪佢抵食之餘，氣氛特別好，之前有同事介紹觀塘新開Hey囍 放題火鍋店 ，話質素相當唔錯，趁住有朋友生日，我Dining 娜即刻去踩場試下！

去到舖頭門口，見到唔少人等位，都幾受歡迎，一入舖就見到地方好寬敞，配料區好似酒店自助餐咁多嘢揀，目測有幾十款，蔬菜、丸類、雪糕等等，樣樣齊，加分！

坐低望下餐牌，晚餐90分鐘放題任食由$128起，任食美國牛肉、美國黑豚肉，湯底有龍蝦湯底、番茄湯底、木魚湯底、香濃雞湯，韓國泡菜湯底，同事話最好味係黃金椰子湯底， 加＄40仲可以任食椰青湯底黃金雞，梗係要試吓！

雞鍋連沙漏一齊上，蓋住煲蓋等水滾時已經聞到陣陣椰香，原來湯底有椰青水加印度椰子肉，望住漏斗啲沙話咁快就落晒，即刻急不及待打開蓋試下，雞肉入口非常香、滑，問過店長，話佢哋嘅雞係用椰絲、粟米做飼料，所以特別香，店內特醬汁：新鮮沙薑＋小桔仔，係黃金雞嘅絕配！

放題包指定肉類無限添加，如果對牛肉有要求，仲有特級美國牛肉、美國牛小排、澳洲嚴選和牛，極上特選和牛。如果鍾意食海鮮嘅，可以另外柯打每碟$68韓國石蠔，每碟$36海蝦，成班朋友話讚，好抵好新鮮！

我哋夠人多，所以另外仲試咗個好好玩嘅雲上壽喜燒，一放上枱見到個鍋中間有一大嚿雲，賣相好得意，個個都忍唔住拎部手機出嚟影影影，其實呢大嚿雲係棉花糖，等「相機食完」，店員就喺棉花糖上淋上甜醬湯底，望住個棉花糖一路一路咁溶化，朋友忍唔住嘩嘩聲，真係睇住都過癮！

食埋壽喜燒已經9成飽，Dining 娜決定要食甜品，係多款中西甜品糕點之中，我決定要自家鮮製軟雪糕，又香又滑，為今餐畫上完美句號！

Dining娜覺得此 放題火鍋店好有誠意，最抵讚嘅係椰香湯底，試過知好味，雲上壽喜燒就好好玩，其他配料選擇多，觀塘友有多個聚會好選擇。埋單時，店長仲話佢地做緊新開優惠，90分鐘放題「椰子雞‧美國黑豚肉」，原價 $168 ，而家只係 5折 $84，好抵食！另外椰子雞．美國牛肉．美國黑豚肉．特選牛脷，原價$256，一樣有5折優惠價$128，推廣優惠至到9月11日咋，有興趣嘅朋友快手去試吓！

Hey 囍
地址：觀塘偉業街223號宏利金融中心1樓13號舖
電話：2827 2688