超澎湃！瀑布 拉芝 龍蝦治 + 幻彩軟雪糕梳打|旺角食乜好|
廣告
行開旺角，離不開飲飲食食。但掃街立食要同人逼，邊食邊吸廢氣更不好受，還是找間餐廳坐底慢慢吃。要清靜的必選樓上餐廳，食都食得舒暢點。主打龍蝦菜式的Master Kama上月在旺角新開了姊妹店，大玩日夜主題，日夜會有不同menu。午市主售龍蝦治及自製意粉等輕食，晚市回歸拿手好戲，專賣龍蝦菜式。當中還有吸睛呃like飲品，吃貨少女必試。
採訪：廿四孝暖男 拍攝：Chi
[embedyt]
[/embedyt]
龍蝦專家 瀑布拉芝 龍蝦治
日頭去主打龍蝦菜式的Master Kama必試瀑布 拉芝 龍蝦治， 拉芝 效果勁到瀑布般傾瀉，份量足女生吃半份已覺飽。想飽肚可點一份由大廚每天鮮製的意粉，當中用紫椰菜汁及蝶豆花製的湖水藍蝴蝶粉更是呃like必叫。若晚市來除了龍蝦亦可叫較少見的忌廉咖喱烏冬，滑溜富奶香，少了咖喱平時的濃烈，女生都啱食。
影相放IG 吸晴呃like飲品
食到一半開始口渴，是時候叫杯嘢飲。飲品方面走少女風，必叫星河色系軟雪糕梳打，上有自家製軟雪糕，最啱一大班人開心Share。亦有彩虹系棉花糖沙冰，吸睛度100分，嗜甜女生大愛。
Day and Nite by Master Kama
地址：旺角山東街50號1及2樓
營業時間：星期一至五(12nn-11pm)，星期六、日及公眾假期(12nn-11:30pm)
查詢：3106 0900
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
