百5蚊有找！ 抹茶Tea Buffet 宇治百年店抹茶入饌！十多款茶味小食｜尖沙咀食乜好

撰文：Keith | 拍攝：Scott

抹茶tea buffet 百5蚊食十幾款抹茶小食

無假去宇治食抹茶也不緊要，今次酒店用上當地百年老店「山政小山園」的抹茶入饌，製作出8樣甜品及3樣鹹食，記者試後感可用8個字總結：「甜品精緻鹹食趣怪」。價錢算是實惠，最平$150有找，而 抹茶tea buffet 還包括翡翠螺等冰鎮海鮮、即製意大利粉及班戟等等，實夠飽！

綠色巨塔 抹茶朱古力噴泉

甜品方面有8種，最吸睛非自助餐必玩的朱古力噴泉莫屬，今次加入抹茶味，變成綠色巨塔，小朋友實鍾意。另外的抹茶卷蛋、泡芙、金箔奶凍、慕絲都細細件，1啖1個，剛剛好。特別是抹茶卷蛋，軟熟又帶淡茶香。另外更有自製軟雪糕，可自己任灑綠茶粉，超滿足。

一口精緻抹茶甜品

鹹食趣致 炸魚配抹茶wasabi沙律醬

記者大男人1個，點都要吃些肉落肚，當日就試了外貌有點奇怪的抹茶雞翼及炸魚。炸魚是英式fish & chips，廚師在炸漿中加了抹茶粉，炸魚呈淡墨綠色，顏色不算討好。試了1塊，有點茶澀卻沒抹茶味，可能經過高溫油炸，茶味揮發了不少。雞翼則較為普通，只灑上抹茶粉，但若吃中抹茶粉部分，茶味就比較明顯。最後試了抹茶蕎麥冷麵，味道中規中矩，但可解一解油膩感。

記者總評：
今次的酒店下午茶buffet 最平$150就可埋單，而且還有用宇治老店抹茶製的甜品，價錢相當實惠。甜品種類不算多，但味道討好，更有金箔甜品，是回本之作。而鹹食算是新奇，抹茶炸魚等可以一試。

遇見‧宇治‧抹茶物語 下午茶自助餐
日期：1/4至30/6

價錢：

優惠：
只需下載 Rhombus Dining 餐飲應用程式做會員，就可享有65折優惠，平日$198折後即$128.7，加一後$142有交易。
但留意只限每日頭20位客人，請預早訂座。

咖啡亭
電話：3550 0275
地址： 尖沙咀赫德道8A隆堡麗景酒店1樓（顯示地圖）
facebook：hotelpanoramabyrhombus

延伸閱讀：

【自助餐起底】半買半送 唔去後悔！原價$5,050 沙田 酒店2人行package 破抵價$875位：食5餐buffet＋住宿