抗疫食神必訪！希慎廣場Kitchen 11全方位抗疫｜App外賣自取功能＋限定優惠

疫情下個個都Level Up成為打機達人、煲劇女王同烹飪廚神，樂做御宅族，卻難免心裡常冒起想出街搵好嘢食嘅想法！其實只要做好防疫措施，搵啱地方同方法，就可以安心出街食飯，甚至透過手機應用程式以限定優惠兼免排隊買外賣返屋企慢慢歎，喺疫情期間繼續用美食為自己和家人朋友打氣！

值得俾Like嘅抗疫餐桌禮儀

位於銅鑼灣希慎廣場十一樓嘅美食廣場Kitchen 11，最近有2家新店「蝦麵店」同「日日香鵝肉飯店」先後加盟，於是上星期五專程走去試食！期間竟驚喜發現佢哋嘅抗疫餐桌禮儀做得非常全面突出！好似扶手電梯設有紫外線消毒機無間斷殺菌，進入美食廣場前會有專人把關量額測體溫，每張枱必定保持至少1.5米安全社交距離，到處設有自動感應搓手液機方便清潔雙手，當食客離開後會有專人立即清潔消毒枱面，加上現場環境整潔乾淨又開揚光猛，令人全程感到安心舒服，可以輕鬆零壓力享用眼前美食！

11種環球特色滋味

美食廣場Kitchen 11由11家風格種類及味道均各有特色嘅食肆組成，除咗百芳池上便當、梨花園、Pepper Lunch、Curry House Coco Ichibanya*、八番拉麵、丸龜製麵、Triple O’s by White Spot、香辣屋*外，最近有「蝦麵店」同「日日香鵝肉飯店」兩大人氣品牌先後加盟，令美食廣場更添誘人「味」力！

新登場：日日香鵝肉飯店

汕頭正宗滷水鵝名店，以日日鮮宰鮮滷鵝肉聞名，今次進駐銅鑼灣店成為香港第3間分店，強調每日6次新鮮入爐，製作呈金黃色且肉質酥鬆多汁嘅滷水鵝，只要沾上少許蒜泥白醋汁，再混和鵝油米飯同食，即瞬間感受到滿口甘香豐盈，推介配備四季時令燉湯嘅多款抵食套餐。

新登場：蝦麵店

品牌以香辣惹味又鮮甜多料嘅馬來西亞蝦麵聞名，分店常見長龍。今次銅鑼灣新店更推出多款限定優惠，包括凡惠顧任何標準麵食即享$5折扣，另加送飲品1杯！下午茶套餐由$35起，下午茶限定小食套餐由$38起，而檳城路邊攤1人套餐則由$71起，包括標準份量麵食、小食同飲品各1份。

百芳池上便當

呢排飛台無望，唯有以台式美食一解相思。品牌以台東特產池上生態米做主角，配以各種台灣地道食材及調味料，製作出百芳豬扒便當、滷肉飯便當等精美鐵路便當。另有紅燒湯麵、肉燥乾拌麵、台式小食同特色飲品等系列選擇。

梨花園

超過50年歷史嘅正宗韓國菜館，提供多款韓國傳統燒烤、火鍋同主食，仲有高麗人蔘雞湯、炆牛肋骨等經典菜式。現凡惠顧任何午餐或晚餐，即可以$15換購5件原味炸雞，或$12換購 3件煎泡菜餃子，或$6換購熱柚子茶。

PEPPER LUNCH

日本人氣自助鐵板店，有多達32款意日鐵板美食。食客可於專利鐵板上DIY 炮製喜愛菜式。現凡於下午茶時段（2-6 pm）惠顧任何Grand Menu，即可大獲贈飲品1杯，價值$10。

8番麵屋

源自日本石川嘅拉麵專門店，多款人氣熱賣招牌計有3款招牌拉麵、金澤拉麵及麻辣担担麵。現凡外賣自取消費滿$60或以上，即可免費獲贈小食一款（4選1）， 包括8番餃子5隻 、芝麻雞翼3隻 、唐揚雞4件及吉列炸蝦3隻。

丸龜製麵

以手製烏冬和性價比高見稱，食客以自助形式，自選出最喜愛嘅配料、炸物同湯底等組合。呢排仲做緊下午茶大割引，套餐由$32起，共有4款烏冬及小食選擇。

Triple O’s by White Spot

加拿大得獎漢堡名牌！有齊澳洲牛肉、魚肉、雞肉、蝦肉、煙肉同素漢堡等口味選擇，全部由$59起。另外，All Day Breakfast、炸雞翼、羽衣甘藍沙律同奶昔都好好味。

香辣屋*

匯聚泰國同越南等東南亞馳名美食，在港有多家分店。每日由廚師用心炮製各款以香口惹味見稱嘅精選菜式，為喜愛亞洲美食嘅你帶嚟別具東南亞風味嘅佳餚。就算去唔到旅行，都可以用美食止吓心癮先。現全日惠顧任何麵食，均獲8折優惠。

Curry House Coco Ichibanya*

擁有42年歷史嘅日本知名咖喱屋，出品被形容為「天天吃也不厭，那麼不可思議的誘人咖喱。」食客可按照個人口味，自選配搭飯量、辣度及配料，組合出最喜愛嘅咖喱飯，而備受大家青睞。

訂位、點菜、埋單 一個Lee Gardens App搞掂
蝦麵店及百芳池上便當 堂食/外賣有Hysan Power Up7折優惠

利園區同OpenRice《開飯喇》聯手開啟「堂食點餐」嶄新功能，由搜尋園區餐廳、訂位、點菜、結賬，以至賺取獎賞積分都可以用同一個手機App完成！

只要掃描美食廣場Kitchen11桌上嘅QR Code，即可一覽美食廣場及其他利園區嘅食肆餐牌，「坐定定」用手機自助落單，同時清楚見到製餐進度，當美食準備好後會即時喺App彈出提示，唔駛排隊。另外更有獨家限定超驚喜優惠價「堂食點餐」套餐。即日起至6月，每逢星期三透過 App落單，用Mastercard點餐消費滿 $90，即減$30。選購指定心水美食。此外 ，於蝦麵店及百芳池上便當堂食或外賣，Hysan Power Up Campaign 期間均可獲7折優惠，優惠期至5月31日。

其他外賣自取及外賣送餐限定優惠

想安坐家裡嘆盡環球美食，只要透過Lee Gardens或Openrice手機應用程式，即可尊享會員獨家優惠，以更優惠嘅方法享受Lee Gardens X Openrice X Mastercard外賣自取/堂食點餐優惠！

• 逢星期三憑Mastercard點餐消費滿$90，即減$30* 。
• 同時會員首次使用堂食點餐，可即獲獎賞700 Lee Gardens Club迎新積分。

以上優惠受條款及細則約束，詳情請參閱LINK：bit.ly/2HJdbBG 優惠數量有限，換完即止，推廣優惠期為由3月18日起至6月17日。

Hysan Power Up限定優惠 多間餐廳推出7折優惠電子現金券

希慎與超過100間商戶攜手推出商戶電子現金券，支持零售及餐飲業守穩業務，同時刺激本地消費及俾顧客以優惠價搜購生活所需，節省生活成本。即日起至5月17日期間，大家只要每日早上10時起，到訪Hysan Power Up網站，即可以7折價錢購入商戶電子現金券！網站：按此

* 此餐廳不提供In-app外賣自取/堂食點餐訂https://bit.ly/2KJERYE購服務。