打邊爐牛肉懶人包2024｜必食牛胸爽／牛骨髓／牛頸脊／吊龍
打邊爐牛肉懶人包2024｜必食牛胸爽／牛骨髓／牛頸脊／吊龍
肥牛可以說是打邊爐必備食材，但並不是人人都知應該如何選擇牛肉部分。以下介紹9款牛肉部位，好味之餘，惠康有齊不同部位靚牛肉，各位「牛魔王」可方便買到，今個冬天打邊爐不妨一試！
1. 封門柳
封門柳屬於橫膈膜肌肉嘅一部分，纖維較細緻、瘦肉嘅比例較高，因此咬起黎有嚼勁之餘又唔會太硬太柴，肉味亦相對濃郁。
2.牛骨髓
牛骨髓煮約五分鐘後會變成出半透明狀，帶有濃濃嘅肉香和油脂，口感柔滑之餘一入口就會即刻融化。而且含有豐富嘅膠原蛋白同鈣質，可以湯底變得更醇厚更滋味。
3. 胸口爽
位於牛前胸及肋骨下嘅胸口膀帶有均勻嘅筋膜同埋豐富油脂。而且一款牛肉可以感受到兩種滋味，淥15秒的話會非常爽脆有咬口；淥3分鐘以上嘅話則會變得軟糯卻不失煙靭，每一啖都可以食到濃濃牛油香味！
4. 吊龍
吊龍位於牛腰脊兩個側邊嘅肉上，通常呈長長嘅吊籠形狀亦因而命名。脂肪分布均勻，入口柔軟嫩滑又充滿鮮甜嘅肉汁，食起上黎非常順口，建議淥3至5秒口感最佳。符合大多數人口味，絕對係必點之選！
5. 牛頸脊
牛頸脊位於牛頸部與肩膊交接處，由係活動較多嘅部位，所以脂肪平均亦富有大量結締組織，係鮮紅柔嫩瘦肉中可以見到非常靚嘅油花。結締組織係煮過後會釋放出鮮味，令湯底越滾越有風味。
7.雙層肉
雙層肉為牛腹夾層肉，肉與脂肪層交錯排列，形成獨特嘅「雙層」結構。口感層次分明—肉質爽身、脂肪滑順且油而不膩。
8.牛心椗
牛心椗即係心臟大動脈血管，外觀光滑、雪白厚身。呢個部位嘅肌肉結構緊致，纖維感明顯，口感超級爽脆。雖然屬於內臟類但食唔出任何腥味，味道偏淡，適合配上濃味嘅湯底例如：麻辣、沙嗲等進食！
9. 金花趾
金花趾為牛前腿嘅肌腱，每隻牛只有兩條，頗為稀有！含有豐富嘅結締組織同筋膜。口感酥脆彈性，帶有濃郁肉香及自然嘅膠質香氣。
惠康買齊潮汕特色手切牛肉
打邊爐想試更多牛肉部位，但有時去街市尋尋覓覓都未必可以買到！惠康特意引入近期於小紅書爆紅的潮牛工房的潮汕特色牛肉系列，每包 $49，兩包只售$79 共有13款刁鑽部位包括三花趾、五花趾、嫩肉等。系列採用自家繁殖的黃牛，結合安格斯與秦川牛的優良特質，以半開放式的天然穀飼方式飼養，肉質更鮮嫩，肉味濃郁，確保每一口牛肉都鮮嫩多汁。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
