期間限定 食盡 懷舊廣州菜 @DINING娜

最近要同長輩們食飯，佢哋話想食 懷舊廣州菜 ，起初都真係考起我，因為依家愈嚟愈少。好彩畀我DINING娜發現美心粵菜分店最近推出嘅「食在老廣州」系列，長輩們食完都好滿意，仲話食到以前嘅味道𠻹！

懷舊廣州菜 必食古法脆皮糯米雞

俗語有話「住在杭州，食在廣州」。廣州美食梗係多，不過唔少菜式都已經幾乎絕跡。美心粵菜出嘅「食在老廣州」系列入面就有唔少刁鑽菜式，好多都考刀工、火候，而且工序繁複。好似古法脆皮糯米雞咁，要先將雞隻去骨，釀入煮熟嘅糯米、炒香嘅冬菇粒、土魷粒同花生粒等。釀料後再生炸，工序多又花時間。雞件入口皮脆肉嫩，入面嘅糯米又吸盡雞隻同所有配料嘅精華，必食！

手工美饌不時不食!! 玉簪桂魚卷+桂花炒仿翅+鮑魚冬瓜盅

除咗脆皮糯米雞之外，玉簪桂魚卷同桂花炒仿翅都係唔可以錯過！玉簪桂魚卷係好考刀工嘅菜式，亦係廣州名菜之一。先將桂花魚切片，再捲入火腿、露筍等，除了嚐到魚肉的鮮甜，同時帶鹹香。而桂花炒仿翅，桂花即係炒蛋，不過炒蛋漿時間要掌握得好，如果唔係就會炒得太老或太乾，之後加入蟹肉同芽菜同炒。炒蛋滑而不老，芽菜口感爽脆。最後點埋冬瓜盅啦，消暑一流，今次仲特別加入矜貴嘅鮑魚、瑤柱同黃耳等材料，夠晒足料！

另外亦有四人餐可以揀，套餐的湯羹可以揀鳳城拆魚羹或鮑魚冬瓜盅，仲有白雲山上凍豬手、雲腿玻璃蝦球，同埋半新還舊鴨腳包等等。所謂「半新還舊」鴨腳包，即係以五花腩片代替昔日常用的鴨腸包住鴨腳、豬肚等，再掃上蜜汁燒熟，咁精細，今時今日同樣少見！

• 半新還舊鴨腳包
• 白雲山上凍豬手
• 鳳城拆魚羹* 或 鮑魚冬瓜盅^#
• 雲腿玻璃蝦球
• 媽姐蒸魚雲
• 荔浦香酥鴨（半隻）
• 羊城伴五秀
• 老城炸醬麵（四位） 或 上湯燴飯（四位）
• 妹仔蓮子羹（四位）

*鳳城拆魚羹四人餐 $828
^#鮑魚冬瓜盅四人餐 $998

滙豐信用卡獨家優惠

依家用滙豐信用卡惠顧「食在老廣州」菜式同四人餐都會有85折，其他信用卡冇呢個優惠架！同埋呢個系列係期間限定，只係做到9月29號，如果想食就快啲打去訂位喇～

「食在老廣州」系列
推廣日期：2017年8月1日至9月29日
推廣分店：全線美心皇宮、翠園（美心翠園—機場分店除外）、八月軒、八月、海逸軒及怡翠軒。

詳情：http://bit.ly/2u6eFSh

個別食品及其售價適用於指定分店，詳情請向店員查詢。
優惠須受條款及細則約束。
借定唔借？還得到先好借！