【慈雲山】黐線㗎！$38台式甜品放題
廣告
今日記者發現位於慈雲山嘅一間甜品店，門口寫住$38任食，細問之下，原來係舖頭推出嘅最新優惠，只要喺中午12點至夜晚7點期間，就可以用38蚊喺限時45分鐘內任食店內甜品。平時一款甜品都要廿幾三十蚊，而家$38就可以任食，實在有吸引力！呢個優惠只此一家，其他分店係冇架！
不過要留意嘅係，有5款甜品只限5選1，並唔喺任食名單入面，包括心太軟配香草雪泥、黑磚世界、香草3.5果園、芒果帝國同埋甘露奶凍，店主話因為以上5款甜品本身已經要$36-$42不等，所以只限叫一次。
由於唔想浪費食物，所以店舖規定甜品要逐樣逐樣落order，食完一樣先可以叫下一樣，以免一次叫得太多食唔曬。另外，惠顧$38甜品放題嘅顧客，係會另收加一㗎。
木子甜品－芋圓專門店
地址：慈雲山慈華里3號地下E舖（顯示地圖）
電話：27631616
優惠時段：星期一至日，12:00-19:00
詳情條款請向店員查詢
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
