＄60食「 黑松露 」平民意菜性價比高 |長沙灣食乜好｜

撰文：ruby | 攝影：Dick

黑松露 平民菜單

黑松露 意大利飯，以秘製忌廉汁加炒香的洋葱、蒜烹煮，再灑上意大利黑松露醬，口感厚滑，帶鹹香和堅果味。松露份量每碟保證足15g，最吸引是價錢都不用$60， 食黑松露都不肉赤。除了矜貴菜式外，必試招牌燴牛肋肉，用上牛味香的巴西牛肋，配甘筍、西芹、椰菜、茄膏燉煮5-6個鐘，腍滑惹味，配珍珠飯都是$53。 日菜有濃湯豬骨烏冬，口感煙韌的讚岐烏冬配用兩種骨熬製的豬骨湯，拍得住日本餐廳。大部分主食都不過$60，還可半價加飲品。唔夠飽，可追加低鈉菜湯、薯條、酒店級焦糖燉蛋，最實惠是每款售價不用廿元，一百蚊無難度。

以木、鐵皮和水泥石牆作裝修，吹著一陣陣工業風。
黑松露菌皇意大利飯　$56
為配合大眾口味選用珍珠米，還加入先浸煮再爆香的冬菇、雞髀菇、洋葱等配料，再加入三種忌廉秘製cream sauces，煮至收汁即可。上桌時灑上黑松露醬，夠濃香。

法式紅酒香茅燴牛肋肉(配珍珠飯) $53
牛肋肉用上花椒、八角等廿八種香料和茄膏、紅酒熬煮6小時，肉腍，有牛香，而且帶茄香。

意大利菜湯 $18
本月被雜誌選為香港最低鈉菜湯，全菜無肉，以番茄、甘筍、茄膏、檸檬、香葉等熬煮至少四小時，味酸清新。

帆立貝海鮮豬骨濃湯烏冬 $57
日本讚岐烏冬煙韌，加上熬近六小時，以豬筒骨、西施骨、煉奶做的湯底，口感細滑，富奶香和肉味。

意樂餐廳
•地址：青山道368號喜韻商場地下1號舖（顯示地圖）
•電話：2461 8020
•營業時間：星期一至日7am-10pm
•座位：92個
•備註：不設加一，接受八達通付款。
延伸閱讀
煙鴨胸紫椰菜芝士 燴飯食譜 @煮場