愈玩愈刁鑽 估你唔到雪糕新口味@Charmaine
廣告
炎炎夏日，又是心思思想食雪糕的日子。香港的雪糕熱潮似乎沒有停過，剛剛hit完鯛魚雪糕、意粉雪糕，以為可以唞一下，點知今日行銅鑼灣，竟然又發現大堆刁鑽古怪的雪糕新口味！
細個阿媽成日話食嘢又鹹又甜，會生痱滋。偏偏好多雪糕新口味，都是鹹甜混和。Ice Pop的白麵豉就是其中一款，6分鹹，4分甜，食落有好淡的麵豉。要數古怪，仲有Ice Cream Gallery的咕嚕蝦餛飩和煙燻火腿芝士，前者上面真係有隻炸餛飩，食落好重茄汁味，多酸少甜，絕對挑戰你的接受能力；後者就正常得多，店員整好雪糕後，會放入透明盒內，即場用蘋果木煙燻。吃起來，芝士味的雪糕果然啖啖有煙燻香，而且中間夾雜火腿碎，鹹甜比倒拿捏準繩，有新意之餘又好味。
Charmaine也體諒，各間雪糕店推出新產品，其實也很有難度。創意之餘，又要平衡口味，好似Honey Crème的煙肉朱古力雪糕，個人就不敢恭維，煙肉、朱古力和雲呢嗱雪糕獨立來吃，都非常出色，但加在一起，如同3個陌生人，完全沒有交流，令人失望。
京都白麵豉雪糕 $42(Ice Pop)
黑糖杞子紅棗雪糕 $44 (Lab Made)
(前) 咕嚕蝦餛飩 $42、(後) 煙燻火腿芝士 $46 (Ice Cream Gallery)
即場用蘋果木將雪糕煙燻。
最新推出的馬騮搣口味 $38 (XTC Gelato)
煙肉朱古力雪糕 $42 (Honey Creme)
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
