性價比高上海風味 @Dining娜

(Presented by上海姥姥)

Dining娜作為國際級吃貨，講到食真係不遺餘力，就算一擲千「蚊」都okay㗎！最近有朋友懶神秘咁話要帶我去dinner date，話嗰度用茶餐廳嘅價錢，就可以食到上海餐館嘅質素，性價比奇高！

原來佢想帶我去「上海姥姥」新店呀！搭地鐵去到堅尼地城站，B出口一出就係，又幾方便喎。入到去，真係”woo”咗出嚟，第一次見上海餐館有open bar！唔該，我想要杯豆漿on the rock吖~

雖然得兩個人，但因為價錢真係太超值，我哋嗌咗好多嘢食……

開胃冷盤

食上海菜叫冷盤是常識吧！呢個「姥姥精選冷拼」，可以自選3個前菜，我哋揀咗雞絲粉皮、四喜烤麩同埋扁尖荀毛豆！雞絲粉皮非常足料，麻醬調味剛剛好；四喜烤麩就有上海菜濃油赤醬嘅風味；而扁尖荀毛豆就夠晒清新開胃，真係一次過滿足晒3個願望呀！

即製包點

上海姥姥嘅招牌菜就係……包！「招牌小籠包」比起傳統18摺嘅小籠包多出4摺，睇落更加精緻。包入面嘅湯汁就用咗雞爪凍，比傳統嘅豬皮凍更健康、更鮮甜！而「姥姥生煎包」就係生煎包包住「招牌小籠包」，外面脆口，裡面juicy，非常特別！

手製拉麵

手製拉麵都係招牌菜之一，麵條夠晒彈牙，湯底用新鮮豬肉、雞骨同金華火腿熬製而成，鮮甜不膩，就咁飲都okay，配上炸得香酥金黃嘅排骨更滋味！「四川擔擔麵」就香濃惹味，少少麻辣夠晒刺激！堅尼地城新店嘅半開放廚房仲可以見到師傅「表演」拉麵添！

惹味小菜

一場嚟到，點都要食番個小菜嘅！我今次就揀咗「黃金魚塊」，令人無法抗拒嘅鹹蛋黃，加上口感軟綿嘅魚塊，好邪惡呀！

兩個人食咗6樣嘢，都係300幾蚊，仲唔使加一添！性價比高到咁，Dining娜下次一定會再嚟呀~

最近Dining娜睇上海姥姥facebook仲發現，原來麥玲玲同姚書軼幫佢哋拍咗一條360°C VR短片，跟著隻紅蝴蝶郁郁下，好得意㗎，埋嚟睇睇！