得意點心 出籠 女生小朋友都like@Dining娜
無論見客或屋企人聚餐，很多時都會揀去飲茶，可以慢慢坐、慢慢傾，但點心食來食去都是那幾款，都想有點新意。最近就有朋友同我講，銅鑼灣廣場二期，有間新開的主題點心店，點心賣相精緻，而且每日鮮製，不加味精，我當然第一時間約埋班姊妹去試啦！
得意點心 呃like首選 紫薯喵星人
一入門口，就見到開放式廚房，點心不停出籠，熱辣辣！餐廳主打 得意點心 ，紫薯喵星人、蕃茄蛋蝦餃，賣相夠Cute，一上枱個個都爭住影相。紫薯喵星人就最受歡迎，可愛到不捨得食。朋友鍾意食奶黃包，點了奶黃蜜語，上面印有「叻叻豬」、「講呢D」嘅潮語，流心膨湃，蛋黃味濃郁！
貓樣夠可愛，女士們必like，入面係紫薯蓉，入口綿滑，甜度亦適中自然。
最正係上面印咗香港潮語同emoji，一搣開奶黃餡即流出，奶黃creamy，好香口，但大家食時要小時燙口。
加入抹茶粉做成綠色外皮，單睇外表以為係甜點，原來入面包住白汁雞皇火腿餡，食落似鹹水角！
紅噹噹成粒蕃茄咁，其實係加咗紅菜頭水，入面有蕃茄、炒蛋同蝦，蝦餃皮夠煙靭，蕃茄味好濃郁。
創意小菜 咖喱油炸鬼牛肋條
除咗新派點心，小菜都好有心思。咖喱牛腩平時食得多，呢度就改用牛肋條位置，以桂皮、八角等醃味，蒸熟後再沾粉漿油炸而成，有點似油炸鬼包住牛肋條；咖喱汁香濃，而且充滿椰香。不過記得留肚食甜品，餐廳首創藍色桂花糕，全港獨有，賣相勁Fancy！而我Dining娜仲有著數益大家添呀，而家至11月6號，只要單人消費夠$100，like埋佢哋嘅facebook，就送你「藍蝶桂花」1件，我仲知道馬鞍山新港城中心11月會開分店，到時住喺美食沙漠的朋友就多個選擇。
外面有層脆漿包住，炸得脆口不油膩，肉質鬆化，蘸咖喱汁更惹味。
大廚將中蝦打成蝦膠，混入龍脷柳和蟹柳蒸成，功夫繁複，口感爽口彈牙，配上南瓜湯同吃，鮮甜無比。
加入藍蝶花令桂花糕變成藍色，入口有淡淡桂花香，又靚又好食。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
