【掃街王】 $30飽到癲!!! 彩虹 5大街坊美食

撰文： Jacky | 攝影： Man

爆料雲吞 內藏六隻鮮蝦仔！

05年由觀塘街市附近遷至現址，雲吞每日由人手包製，品質有保證。雖然雲吞麵只有三粒雲吞，但雲吞份量頗大，咬開發現內裡除了有小量豬肉，竟然有六隻蝦仔，勁足料，鮮味都好夠！店內的水餃都一樣餡多，可以一試。而老闆娘和伙記都很友善，感覺人情味濃厚。

雲吞仔
地址：彩虹牛池灣金池徑27號地下 (顯示地圖)
營業時間：9am-7pm

滷味老字號 $12 滷水雞髀

小店開業幾十年，賣的是正宗潮州滷味，不少街坊都是由細食到大！而記者就覺得鹵水雞髀最吸引，$12 份量十足，單手拎起會覺得重，仲會滴晒汁添！肉質不算特別嫩滑，勝在鹵水香味濃厚，甜味細緻。另有脆口豬耳﹑軟腍牛筋，都是街坊至愛。店舖位置易找，就在電梯口旁第一檔。

翁茂利潮州鹵水
地址：彩虹牛池灣街市地下 (顯示地圖)
營業時間：8am-7pm

平絕彩虹學生恩物！ $20買到四款！

彩虹邨的街坊一定認識這間小店，皆因價錢平到你唔信！$3 炸蟹鉗﹑$4 麥樂雞扒﹑$5 蘿蔔糕﹑$6 炸雞翼﹑$7 沙冰。。拍得住老麥 $21餐！難怪每日都有大批學生捧場。而且小食選擇眾多，由魚蛋燒賣腸粉，到薯條雞髀三文治，以至奶茶涼粉撈麵，應有盡有。雖然部分食物不是即叫即製，但價錢低至如此，實在無可挑剔。

楓林軒
地址：彩虹彩虹邨商場 4 號地下 (顯示地圖)

街坊茶檔一盅兩件 $13 懷舊大包

又是多年老店，每日朝早都會坐滿街坊，當中不乏做完晨運的公公婆婆。店內全部點心依然堅持手造，款式如鵪鶉蛋燒賣，臘腸卷等，市面少見，不過記者來到時已經賣光，無緣品嚐！幸好還有大包可點，份量果然驚人，猶如三個叉燒包的大小，雞肉﹑豬肉﹑芫茜﹑雲耳﹑薑絲蛋﹑蘿蔔都有，可謂足料炮製。另有原盅生米蒸飯﹑腸粉等，都是高水準之作。不過就要注意大部份點心在早上十一時後就會售罄，想食心水點心唯有早點起床。

三合茶室
地址：彩虹牛池灣街市熟食中心 2 樓 1-2 號舖 (顯示地圖)
營業時間：5:30am-1:30pm
備註：茗茶$2/位，每位最低消費 $10。

水潤滑嫩！$7 豆腐花

食罷多款美食，是時候以甜品作結。位於街市外面的食街，2015年三月開業專賣豆品的小店，每朝都會新鮮撞豆腐花，豆味濃郁香甜，而且入口超滑溜！如果二人結伴來到，更可以 $12 買兩碗！

豆腐一家
地址：彩虹牛池灣金池徑13號地下 (顯示地圖)
營業時間：7am-7pm

延伸閱讀：
【掃街王】$16流心蛋大啡菇!! 藍田 5大街坊美食