岳少玩親民半價食名菜+茶餐鋸扒【荔枝角】

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Aug 23 2015

係人都知林建岳識飲識食，他開設的食店如「港島廳」、「九龍廳」出品一向有口碑，不過價錢亦不便宜，閒閒地每人四、五百元才吃得飽。不知是否岳少見港人最近負能量太多，決定喺荔枝角開間平民版的名人飯堂「廳」益街坊，環境有別以往高貴時尚風，而是以階磚地、皮凳、木的工業風作主調。

菜式集眾店之大成，點心、中菜、西式意粉、牛扒等，部分更是「港島廳」等店的招牌菜。其中必吃琥珀水晶蝦，以5頭越南蝦切薄再飛水，蝦身如片片花瓣散開，再配蝦頭、龍蝦熬製成的龍蝦湯，入口滿滿蝦鮮，平日在港島廳一客就$328，現在$168便吃得到。馳名蜜汁叉燒，肉質juicy 鬆化，港島廳賣$218，這裡只賣$88，勁過半價。至搞笑是連常餐、下午茶餐都有，定價都是$50-$80左右，款式每星期更換，用料則較一般茶餐廳矜貴，好似茶餐廳式的炒蛋亦加入黑松露來炒，食得刁鑽。