屯馬綫美食2021懶人包！6月全綫通車 超抵食放題＋馳名手撕雞＋掃街新場｜區區搵食
撰文：新假期編輯部｜圖片來源：新假期資料室、港鐵官方圖片、FB
2021屯馬綫美食懶人包！6月底全綫通車
以前覺得入大圍、石門、九龍城呢啲地方，真係一場遠征呀！就算聽聞入面有好多隱世美食，但一諗起要不斷轉車加上不斷轉車，真係令人有點卻步。不過而家屯馬綫全面開通後，出入馬鞍山綫就方便好多喇！一條綫就可以由新界搭到馬鞍山，方便快捷好多！一於放假約埋三五知己去探索吓沿綫嘅美食景點喇！
宋皇臺站（九龍城）
宋皇臺站位於九龍城，臨近宋王臺花園及啟德發展區。車站設計概念揉合宋元古蹟元素，不定期更新多個歷史藝術品。站內設有洗手間及育嬰間，空間環境整潔舒適。
1)九龍城聯發茶餐廳 足料沙嗲牛麵
說到九龍城的聯發，便會想到九龍城的地膽發哥。原來聯發茶餐廳可是發哥其中一間愛店，當中的滑蛋葱花叉燒飯更是必點之選。滑蛋之所以那麼馳名，全因茶餐廳是澳洲牛奶公司傳人開設，聲稱同樣有着炒滑蛋的秘方，此店沒有澳牛的打仗式趕忙，菜式選擇相對較多，深受街坊歡迎，午飯時分經常爆滿。除了滑蛋外，沙嗲牛肉麵也是食客推介，沙嗲醬份量足，顔色較深，沙嗲味濃郁，牛肉似新鮮牛肉口感，切得厚身，有少許嚼勁。
沙嗲牛肉麵$44
2)九龍城豪華餅店 發哥都幫襯
可是九龍城名店，一講蛋撻，人人皆知。店舖1977年開業，至今已有44年歷史。前舖後工場，大紅招牌相當醒目。店主用料多年不變，用北京雞蛋、法國忌廉及澳洲麵粉製作蛋撻，焦香鬆化，蛋漿夠香夠滑。店內同時提供酥皮、曲奇皮蛋撻及葡撻，人人一買便買1-2打，大讚好食！
蛋撻$9/件
曲奇皮做得酥化。
3)九龍城茶飲店「玖捌」寵物友善餐廳
各位狗奴想找寵物餐廳，以後又有多一個地方可去了！最近九龍城新開一間狗狗友善的港式茶飲店，名叫玖捌，除了有賣自家沖製的改良版港式茶飲外，亦推出自家製的雞肉乾，主人及狗狗都食得。雞肉乾採用宮崎雞肉，自家風乾6小時而成，這款小食並無加工過，任何人及狗狗亦可安心食用。店內更設有打卡位供狗狗影相打卡，如一入門口即可看到以大理石製成的明星台，歡迎各位可愛的狗狗上枱拍照。
土瓜灣站
土瓜灣站鄰近土瓜灣公園，站內設有4個出入口，分別通往江蘇街、落山道、土瓜灣街市及馬頭圍道，非常四通八達。車站設計理念沿自懷舊歲月，每件藝術品都展示著街坊的生活點滴及變遷痕跡，充滿濃厚的人情味。
4) 土瓜灣楚撚記食出獨有回憶
店內店外特色裝修讓人彷似走進時光隧道，重溫舊日時光。基於店主對食物的堅持，對每道菜色也有極高要求，由食材、煮法、味道等也一絲不苟，誓要讓每位客人不單重溫舊時好日子，更要他們對食物味道拍手叫絕。當中傳統美食如小炒王、沙拉骨及避風塘系列更是拿手菜色；當中亦加入不少創新菜色，如黃金系列，讓客人有更多選擇。
- 餐廳：楚撚記大排檔
- 地址：土瓜灣馬頭圍道187號地下2號及4號
- 電話：2515 1500
- 營業時間：星期一至日 17:30 – 03:00
- 備註：不設加一，收現金及信用卡
大圍站
5)大圍名物！華輝小食推芫荽手撕雞
芫荽是近期流行的配料，更有網民專程發起Facebook群組「香港芫荽黨」，召喚一班愛荽之人。就連大圍名物之一，華輝小食的店主溫先生，都是黨員之一，愛荽程度有過之而無不及，更爆笑地道：「所有員工都要是黨員，否則便炒魷魚。」可說是愛荽如命。今次首推芫荽手撕雞，芫荽鋪面份量足，加入芝麻及花生調味，嗜辣可早揚聲添辣。每份$50，限量發售。其他手撕雞菜式，如手撕雞飯、手撕雞腸粉、手撕雞麵都可以加配芫荽，可說是芫荽控的天堂。現時除堂食，還可外賣拎走，回家慢慢歎。
- 餐廳：華輝小食
- 地址：大圍積福街積壽里4D號地舖（顯示地圖）
- 營業時間：星期一至日 10am-3am
- Facebook專頁：華輝小食大圍
6)大圍顯徑商場！全新食點11檔掃街小食
大圍顯徑商場於屯馬綫顯徑站A出口對面，一出就見到，十分方便！街市內有逾60檔商戶，其中美食街有11間熟食店，有掃街小食、東南亞風味、傳統甜點和台灣茶飲等等。
東南亞風味：手撕雞、豬頸肉
掃街當然少不了吃手撕雞，場內有間手撕雞專門店「添寶手撕雞」，用皮下脂肪較少的溫氏雞，有常見的日式胡麻風味，也有獨家黑松露口味和芝士口味的手撕雞，好特別！
另外也有主打泰式美食的「青辣椒」，有燒豬頸肉、沙爹小食、生菜包和芒果糯米飯等等，而海南雞飯也做足功夫，以冰水浸雞保持肉質細嫩。
中西燒味：黑糖叉燒、五層天燒腩仔
「燒洒一族」主打西式燒味，用沖繩黑糖焗叉燒，入口甘甜鬆化，又有德國燒豬手，油香十足，嗅到香味都讓人流口水啊！店內還有以酒炮製的小食，包括燻蹄和溏心蛋，帶淡淡酒香。
嫌掃街太累，顯徑商場也有家「榮發燒味茶餐廳」，招牌燒腩仔用上有5層瘦肉、肥肉相間的五層天肉，層次豐富。而且下午茶時段更會有雪糕西多士，花生醬夾心西多配牛油、蜜糖和雲呢嗱雪糕，一冷一熱巧妙配合，十分邪惡！
顯徑商場美食街
- 地址：沙田大圍車公廟道69號（顯示地圖）
- 營業時間：星期一至日7am-10pm
石門站
7)沙田石門泰國小店！$98船麵放題
店內的$98任食船麵，吃的船麵共有8款配料可選，包括豬頸肉、香茅雞翼、扎肉、泰式豬肉丸、肥牛、泰式牛丸、魚片和魚蛋，麵底亦有金邊粉、檬粉、米粉或河粉選擇，再可以自選豬骨湯底或清雞湯底，就像車仔麵一樣可以自由配搭。每碗麵量和餸菜都偏少，但正因如此才可以多試幾款。
三款任食沙律包括雞絲、豬頸肉及扎肉沙律。
任食串燒亦有豬牛雞三款，全部親自落手落腳 串成。炸得香口而不乾身，沙嗲醬自家製，以花生醬、辣醬、鮮椒等溝成，香味不錯，好多年輕人一吃 就是二、三十串，還把竹簽留著打卡以示食力。飲品如大路汽水都是任飲，但建議改為加 $8飲一支自家製龍眼水，有粒粒龍眼好足料，而且甜味適中，也算是再支持一下小店吧。
- 餐廳：船仔
- 地址：沙田石門安群街3號石門京瑞廣場一 期2樓233舖（顯示地圖）
- 電話：2661 6269
- 營業時間：星期一至日 11am-9pm
- 放題供應時間： 5pm – 9pm，平日限時90分 鐘，假日限時60分鐘。
- 收費：成人每位$98，11歲以下；小童每位$68，6:30pm前離座每位再減 $10。
8)石門藥膳米線店！足料養生人蔘雞湯
陳黃記主打藥膳米線，三款皇牌分別是人蔘雞湯藥膳米線、 胡椒豬肚豬手湯米線以及天麻川芎白芷魚頭湯米線。這些蘊含著藥材、滋補、強身的名字，對於上班捱得很辛苦的打工仔而言，非常有吸引力。吃一碗這樣的米線，比起大麻大辣的款式， 你會覺得自己總算是愛惜自己。
小店雖小，但座位的闊落程度比不少大店更有良心。
男士非常喜歡的一款，因為用上新鮮大魚頭，湯底有藥材香，非常清甜，喝罷舒暢非常。（圖片來源：新假期資料室）
雞湯底配上大量參鬚，湯底既甜又有甘味。雞選用冰鮮雞，件件大件有肉，非常足料。（圖片來源：新假期資料室）
以雞湯底加上胡椒、鹹菜、豬肚大滾而成，夠胡椒的辣勁，豬手炆得夠腍。（圖片來源：新假期資料室）
這兒有魚湯和雞湯，魚湯以大量魚尾魚骨來熬；雞湯則以雞頭、雞殼、雞腳等來熬，同樣都要熬上四、五小時。到客人點餐了，再額外加上已煮好的藥材和配料。吃魚的配上天麻川芎，變成天麻川芎白芷魚頭湯米線，湯底藥材味濃，有祛頭風作用。配料選用新鮮大魚頭，鮮甜嫩滑，沒丁點腥氣。
9)石門慢活Cafe！歎鬆厚梳乎厘Pancake
店內最有名的就是厚pancake了，有原味、香蕉榛子、黑糖抹茶、草莓等多種不同口味。風格是日式的梳乎厘pancake，但他們不想客人吃了等於沒吃過一樣，於是又加重了一點質感，令其介乎梳乎厘與蛋糕之間的感覺。Pancake粉漿自家溝，為保持空氣感更堅持即叫即製，味道確實不錯，蛋香十足，表面還帶焦脆的口感。而質感輕盈得來實在，還有些蛋糕濕綿的口感，配上鮮果和忌廉，非常好吃！
小店窗明几淨，又有日照，是石門偷閒的好地方。
一客有三大件pancake，厚厚的，皮帶點焦香。入口輕輕的又有點蛋糕的質感，帶濕潤，配上新鮮生果，可以代替正餐。（圖片來源：新假期資料室）
除了咖啡，小店亦賣All day breakfast、意粉和甜品等輕食。麵包是自家製的竹炭方包，凡是點早餐、三文治或是甜品的厚多士，都可以品嘗到這亮眼的黑麵包，竹炭是沒味道的，但濃濃的麵粉香卻是吃得出來。
用料豐富，包括滑蛋，磨菇、沙律、煙肉、豬肉腸、茄汁豆、番茄以及自家製的竹炭厚多士，吃一客，飽半天。（圖片來源：新假期資料室）
以自家製的竹炭厚多士配上雪糕，賣相一流，呃like必備。（圖片來源：新假期資料室）
- 餐廳：Whitewood Coffee
- 地址：沙田石門安群街3號京瑞廣場一期2樓207號舖（顯示地圖）
- 電話：5487 5004
- 營業時間：星期一至五8:30am-6:30pm；星期六、日及公眾假期10am-7pm
即睇更多：
大圍顯徑商場掃街！屯馬綫新站 11檔小食 手撕雞/脆豬手/懷舊甜品｜周末好去處
沙田石門慢活Cafe 歎鬆厚梳乎厘Pancake＋竹炭多士＋全日早餐｜區區搵食
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
