屯門小店Stimulate Cafe爆紅！意粉經濟圈新寵兒 $68龍蝦汁意粉

threads爆紅！屯門小店Stimulate Cafe$68龍蝦汁意粉

屯門有間西餐小店「Stimulate Cafe & Restaurant」於上年11月開業，主打街坊價西餐美食，如意粉、牛扒、羊扒等，亦有供應沙律、三文治、漢堡包等輕食及甜品。小店最近在threads上爆紅，皆因有threads友大讚餐廳一款龍蝦汁大蝦粗管粉抵食又好食，只需$68就食到一款醬汁濃郁的龍蝦汁大蝦粗管粉，表示pasta無手工意粉咁煙靭，但煮出來質地都偏硬身有口感，四隻大蝦已剝殼，而且醬汁濃郁，屬合格以上水準。帖文一出，不少屯門街坊留言表示開心，發掘到一間好食餐廳！

街坊價錢！$60起食意粉＋蟹粉蟹籽意大利飯

小店全日menu價錢都好親民，以意粉為例，最平$60已經食到雲南牛肝菌寬條麵、麻辣牛肉醬寬條麵、蝦醬雞肉粗管粉；$68則可以食到龍蝦汁大蝦粗管粉、蟹粉蟹籽意大利飯。想食得豪華啲一樣有，好像threads友推介的澳洲羊T-bone配薯菜/薄荷啫喱，羊肉軟嫩又多肉汁，配埋薄荷啫喱提升清新感。想鋸扒仲可以揀全個menu最貴的$328美國極黑牛肉眼扒配薯菜/牛肉汁，價錢豐儉由人。甜品方面，提供3款選擇，跟餐仲可以優惠價$28追加，分別有原味布甸配雪糕、Tiramisu配雪糕、肉桂卷配雪糕，食齊主食、小食及甜品都只是$300有找，真心抵食！