屯門新開日式甜品專門店！大阪歌舞伎町裝修珍珠奶茶梳乎厘班戟＋麻糬窩夫｜區區搵食

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Oct 24 2019

屯門新開一間日式甜品店「有料案內所」，環境大玩日本設計元素，如印有「歌舞伎町井財街」的牌匾、大阪固力果跑跑人牆身，相當搞笑！店內提供多款招牌甜品，包括梳乎厘班戟、麻糬窩夫，全都選用日本蛋製，食落鬆軟滑嫩，外脆內軟。另還有日式小食，款款都充滿和式風味，很吸引，屯門街坊有新嘢試啦！

撰文：Sakura 攝影：Fion

屯門日式甜品店搞鬼歌舞伎町主題

屯門新開一間日式甜品店，門牌大大隻字寫着「有料案內所」，叫人想起日本歌舞伎町色情資訊中心的名字！再望真點，牆上閃著一塊印有「歌舞伎町井財街」的牌匾，眼前還有大阪固力果跑跑人向我招手！老闆阿Red笑言，店名叫「有料案內所」，純粹是「無料」在香港可以解作「渣野/差」。反之「有料」在香港可以解作「厲害/有本事」，於是便二次創作改名為「有料案內所」，證明實力之餘又可搞搞氣氛。

日本食材製作鬆軟梳乎厘班戟

店內招牌之一就是梳乎厘班戟，選用日本新紀元蛋，貪其蛋味夠濃夠香，質感很滑，另用上北海道3.6牛乳和日本麵粉製，吃出來的口感更滑順，又不失奶香味，又有蓬鬆感。其中最值得試就是近年日本人熱愛的珍珠奶茶，配上鬆軟的梳乎厘班戟，口感細滑，珍珠奶茶忌廉茶味香濃，旁邊還有煙韌珍珠、芋圓和粉圓，整個配搭層次分明，每啖都食到蛋香和奶茶茶香。