超過20cm長!!! 激足料炸豬扒 紫菜包飯 |尖沙咀食乜好|

撰文：Sam | 攝影：Simpson

尖沙咀新店!!! 韓仔Oppa為你泡製紫菜包飯

這間位於尖東的紫菜包飯專門店，11月中開始試業，由2位韓國人主理，其中一位老闆曾於香港的韓國餐廳工作5年，發現香港韓國菜價錢十分昂貴，質素又不太好，因此決定自立門戶開店。

老闆表示，選擇尖東開舖是因為附近多上班族，打工仔可以外賣紫菜包飯到公司，邊工作邊食lunch，省卻出外用餐的時間，而且紫菜包飯除了有肉類，還有大量的蔬菜，可以令都市人的飲食習慣變得健康一點。

店內更可以看到店員製作的紫菜包飯，雖然員工全都是韓國人，但餐牌有韓文和中英對照，點餐絕對無難度！

炸豬扒紫菜包飯清新健康唔熱氣
每份紫菜包飯都是即點即製，一共有9件飯卷，長度比記者的手掌還要長，超過20cm！餡料與白飯的比例是8:2，除了豬扒，卷內有紅菜頭絲、蘿蔔絲、牛蒡絲、青瓜絲，非常豐富。
飯卷外層塗上了麻油，令飯卷很香口，豬扒炸得外脆內軟，加上自家調配的醬汁，令豬扒惹味又不會太乾身，大量蔬菜令飯卷味道帶甜，感覺很清新，食完不會感到「熱氣」。

鰻魚紫菜包飯 味道較甜不驚喜

鰻魚夠腍身，味道比較甜，正正常常不是太驚喜。

忌廉芝士紫菜包飯 多芝士重口味

忌廉芝士份量很多，芝士非常香滑濃郁，適合偏好吃重口味的朋友仔。

試食完3款紫菜包飯，記者Sam較喜歡吃炸豬扒紫菜包飯，由於內有很多不同的蔬菜，即使吃炸物都不會有罪疚感，食落香口之餘，感覺很健康，口感又脆又爽亦較特別。

豬肉蒸餃 肉質鮮甜

餃子皮夠簿，內裡的豬肉鮮甜入味，不用配醬汁都好好味。

韓式年糕 香辣夠刺激

年糕煙韌有咬口，配韓式辣醬和拉絲芝士，芝士非常香，而且愈食愈辣，好刺激！不過份量非常多，一個人食會有點滯。

終極邪惡 原塊烤芝士

芝士控看見原塊烤芝士已經「留哂口水」！可以選擇蜜糖或乳酪，記者試了蜜糖味，羊奶芝士烤得很香，芝味突出帶點蜜糖甜味，但有點膩口。而且一份只得4塊，價錢偏貴。

草莓香蕉奶昔 香滑蕉味重

奶昔打得很滑溜，香蕉味較重，帶淡淡的草莓味，大大杯幾飽肚。

大家要留意，由於現時是試業階段，下午3-5時不會開舖，千萬不要去「摸門釘」呀！

N/A/S NOT A SUSHI
地址：尖沙咀科學館道14號新文華中心地下16號舖（顯示地圖）
營業時間：11:30am-3pm、5pm-10pm（試業階段）