尖沙咀陳皮魚蛋打邊爐 足料住家老火湯火鍋｜出街搵食
廣告
香港人最愛喝老火湯，又喜愛吃火鍋，尖沙咀有間火鍋料理用老火湯底打邊爐，湯底鮮美，亦會因應時節變更，食材方面選擇多樣，除了常見的手切肥牛外，更有近期指即將在香港停產的陳皮魚蛋、百花釀油條等，一個火鍋既可滋補身體又可滿足打邊爐的願望，一舉兩得！
撰文：胡蚊 攝影：Day
媽媽老火湯打邊爐30年老師傅坐鎮
香港人對火鍋的熱愛早就不理季節，於尖沙咀天文台道又開一間火鍋料理，老闆一直在餐飲圈打滾，開過居酒屋、泰菜、韓燒，偏偏就沒有做過中菜。左思右想，發覺自己最愛就是飲媽媽的老火湯和打邊爐，於是決定開一間用足料老火湯做湯底的火鍋店。請來在多間粵菜館工作30多年的賢師傳坐鎮。鍋底暫有12款，另加每日兩款按季節轉的老火湯底。「 春天要祛濕，粉葛赤小豆煮唐排就最好；又或者椰子煲雞都夠清潤滋補。夏天就會煲冬瓜之類，四時靚湯都不同，全部至少煲3個鐘先叫足火。」賢師傅解釋。
陳皮魚蛋＋百花釀油條
餐廳鼓勵打邊爐前先每人飲碗靚湯，飲完湯，加入用豬骨、鮮雞、乾貝、胡椒、大棗等熬足6個鐘的高湯，才正式開始打邊爐。配料9成食材都是本土，兒時常吃的陳皮魚蛋、厚切豬膶、鮮豬肚、豬天梯等都有供應，還有大廚推介的百花釀油條，都是手工配料，將墨魚膠釀在油炸鬼上。墨魚彈牙，油炸鬼吸湯，正 !
邪惡炸午餐肉＋豬油渣醬油炒飯
打邊爐通常都是一大班人，等人期間，可以先吃點懷舊小食。又香又脆的炸大腸，香口又邪惡。未算？還有炸午餐肉，空口吃又得，又或者可以用來打邊爐，明知肥爆但又停不了口。來多碗豬油渣醬油炒飯，用鉅利頭抽、豬油炒成，飯粒分明，蛋香誘人，食得滿足！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
