尖沙咀九龍香格里拉酒店全新中式糖水系列！最平$38＋招牌即撞薑汁鮮奶

尖沙咀九龍香格里拉酒店全新中式糖水系列！

坊間新派甜品店食碗糖水都要$40-50，九龍香格里拉酒店最近推出的中式糖水系列竟然最平$38就食到，全部由酒店五星級大廚主理，提供24款糖水選擇，包括現場即撞的薑汁鮮奶、原個椰皇桃膠燉蛋白、30年陳皮紅豆沙湯圓、楊枝甘露、貓山王榴槤班戟等，份量足料，這個價錢非常抵吃！

即撞薑汁鮮奶+原個椰皇桃膠燉蛋白

眾多款糖水中，最受歡迎就是招牌薑汁撞鮮奶，用新鮮連皮老薑磨汁，店員會在客人面前加入煮熱至85度的全脂牛奶即撞，等3分鐘凝固就食得，薑味濃而不嗆，甜中帶辣，質地香滑。另外人氣之選是原個椰皇桃膠燉蛋白，處理工序繁複，師傅先將桃膠浸12小時至發大，加入冰糖、滾水燉煮30分鐘，另外將椰皇起肉，倒入椰皇水、蛋白、水，再蒸煮20分鐘，賣相吸引，桃膠份量多，味道香滑清新，滋補養顏，女士們必點！

傳統款式！30年陳皮紅豆沙湯圓+生磨芝麻糊

除此之外，傳統的30年陳皮紅豆沙湯圓和生磨芝麻糊都好值得一試。紅豆沙用上30年陳皮製成，煲約2小時至起沙，味道比一般陳皮更香醇及甘甜，紅豆綿密軟糯，份量十足，配上大大粒芝麻餡湯圓，真材實料，滋味香甜。另外生磨芝麻糊煮至濃稠杰身，芝麻味濃厚香醇，綿滑細膩。

清甜之選！楊枝甘露＋貓山王榴槤班戟

天氣炎熱想食些清甜開胃的糖水，就推介楊枝甘露和芒果、貓山王榴槤班戟。楊枝甘露用上芒果、西柚、西米、淡奶、薄荷葉製成，芒果和西柚酸甜開胃，味道清甜，消暑一流！貓山王榴槤班戟榴槤蓉多，加埋香滑忌廉，口感綿滑，榴槤味澎湃；芒果班戟的芒果肉清爽香甜，每啖都食到芒果肉，口感豐富。

• 餐廳：九龍香格里拉酒店大堂酒廊
• 地址：尖沙咀東麼地道 64 號九龍香格里拉酒店大堂
• 電話：2733 8740
• 糖水供應時間：每晚6:30pm-11pm（最後點餐時間：10:30pm）
• IG按此