日本Strikenoodles拉麵尖沙咀開店！招牌白湯野菜醬油拉麵｜出街搵食
撰文：Sakura｜攝影：Scott
Strikenoodles（どストライク軒） 大阪開業30年
どストライク軒是日本集團COSMIC DINER其中一間人氣拉麵店，大阪分店開業30多年，於日本點評網Tablebog有3.58分好評，香港店由藤井健太郎親自主理，他是老闆兼拉麵師傳，有入廚25年經驗，曾到過上海，越南，泰國，香港海外開店，為確保拉麵水準與日本一致，店內選用的食材都由日本直送，保持日本風味。
招牌白湯野菜醬油拉麵
店內大部分食材都由日本直送，拉麵都用上同一款湯底再分別調味，以20多隻日本鹿兒島赤雞、昆布、鰹魚熬煮6小時，再加上日本醬油、甜豉油、蒜蓉、黑椒等調味。而招牌白湯蜆松露鹽味拉麵，湯底再加上忌廉、松露，令湯底濃厚鮮甜，富松露香，配上鹿兒島叉燒、蜆肉，更添鮮味。
拉麵款式 選擇多元化
除了2款味道濃郁清雞湯的拉麵外，喜歡食辣的你一定要試下地獄湯拉麵！餐牌已註明3隻辣椒，可想而知有幾辣，湯底加入不同辣粉調製而成，聞落已有濃濃辣香，入口雖然辣，但不會掩蓋湯底的鮮味，味道香口刺激，麵條掛上濃濃辣湯，極之吸引。
不想只食湯麵，就要試下特製鹽味湯沾麵，師傅表示沾麵所用的湯不能太稀，要確保麵條沾滿雞湯，所以沾麵雞湯味道偏濃，入口順滑，充滿油香。
明太子豚肉撈麥麵妨間拉麵店少見，明太子鹹香十足，再配上半熟溫泉蛋，將蛋汁和明太子撈麵，口感濃厚，每條麵條都充滿蛋香，十分美味！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
