尖沙咀必食！老友聚會拍拖開飯推介中美日菜樣樣正@Dining娜

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jul 5 2018

(presented by Silvercord)

尖沙咀一向係拍拖聚會熱門地，我就最鍾意約人喺新港中心門口等，貪佢無論坐船、搭地鐵定搭巴士都夠方便，而且嗰度啲餐廳又啱食，中菜西餐壽司拉麵……食肆集中喺地庫同3樓，唔使好似其他食廈咁，等好耐𨋢，肚餓都未上到去。嗱，等我同你分享吓平時我最常去嘅尖沙咀必食餐廳啦！

尖沙咀必食吸睛中菜未食先打卡

如果大班朋友食飯，3樓嘅煌府就最好坐，一張大圓枱，夠晒熱鬧。佢哋唔止擺酒出名，其實晚飯小菜都好多選擇。好似早幾日食過嘅金沙鹹蛋蝦，好夠鑊氣，又唔似平時食慣果啲肥淋淋喎！鹹蛋黃炸到脆卜卜，成班爭住嚟撈飯呀﹗仲有個冰鎮咕嚕肉，外層係脆皮㗎！冰冰凍，外冷內熱，甜甜酸酸，好好味！

煌府裝修富麗堂皇，原來不止做酒席，晚飯小菜水準也很好。

大肉蟹炆雞 $238(a)

蟹和雞味道原來非常夾，一個字，夠「鮮」，就連上面的乾葱也好好味！

金沙咸蛋蝦 $168(a)

比坊間食到嘅乾身得多，唔會食到一口油，鹹蛋黃酥香脆口，蝦肉又爽彈。

冰鎮咕嚕肉 $168(a)

入口凍冰冰，酸酸甜甜，外皮以拔絲嘅方式炮製，好脆口，夏天食，正！

摩登中菜創意爆燈

想食得再特別啲，我介紹去隔離唐宮小聚，佢哋由前菜到甜品都創意爆燈，前排食過一個甜點叫「棗蓉合桃」，成粒合桃咁，好可愛！全枱女仔忍唔住逐個打卡，香脆酥皮下包住棗蓉同合桃碎，味道清新，又唔覺膩。呢個天氣，每次去我都必點話梅石榴，用話梅番茄嘅做法，不過石榴食起上嚟更爽脆，清新開胃。仲有隻白玉王鴿都係必點，即炸熱辣辣，戴上手套就食，好juicy，一人一隻，最開心！

唐宮小聚係新派中菜，由裝修到食物都飛甩老土，最啱年青人飯聚。

棗蓉合桃 $39(b)

從未見過造型如此別緻嘅中式甜點，外層是酥皮，內餡有棗蓉同合桃碎，甜而不膩。

白玉王鴿(前) $29、話梅石榴(後) $49 (b)

每人先來一隻即炸乳鴿，皮香肉嫩；再加個酸爽香脆的話梅石榴，好開胃。

白玉王鴿(前) $29、話梅石榴(後) $49 (b)

每人先來一隻即炸乳鴿，皮香肉嫩；再加個酸爽香脆的話梅石榴，好開胃。

姊妹淘舒服好坐美國菜

唔係次次食飯都約齊人，有時幾個姊妹行完街，想搵個地方坐得舒服，我就會去Ruby Tuesday，大大杯鮮莓特飲，足足28安士，再加個凱撒沙律。慢慢坐，再拎啲戰利品出嚟睇下拼下，儲夠energy，落樓下繼續血拼。

座位寬敝嘅Ruby Tuesday，坐得舒服，最適合shopping完歇歇，休息一吓。

嚟撐腳枱，唔好忘記打個卡，記錄一下開心時刻。

燒排骨雞翼拼盤 $318 (c)

很有份量嘅拼盤，招牌燒排骨醃得入味、雞翼香香辣辣，仲附送一份雜菜，最啱開心share。

凱薩沙律(前)$168、煥然一新(右)$146、鮮莓特飲(左) $146(c)

幾個姊妹嚟，想食得清淡啲，呢個組合最好，一大杯凍飲，可以慢慢飲，慢慢傾偈。

必食邪惡流心西多

同層另一間北海道牧場餐廳都係我另一間最愛。佢嘅滑蛋超好味就人人都知，其實個流心芝士西多都吸引，一切就有芝士流出，明知好邪惡，但次次都忍唔住會點！

北海道牧場早晨全餐 $44(d)

好豐富嘅all day breakfast有：3.6牛乳炒蛋、煙肉、熱狗腸、番茄、茄汁豆及多士，應該先食邊件呢？

厚切牛餐肉3.6牛乳番茄湯通粉 $40(d)

番茄湯香甜濃郁，配上厚切午餐肉係唔少香港人嘅comfort food。

流心芝士西多士 $36(d)

一切就有芝士流出，好邪惡呀﹗

食平啲啲但選擇多多

至於平時拍拖，我就鍾意到地庫大食代，food court有17檔唔同食肆：日式拉麵、四川麻辣湯、蛋包飯、韓國石鍋飯、燒味、小炒、點心，到甜品刨冰……應有盡有。選擇太多，兩個人，每檔點少少，好似我，鍾意食土司工房嘅叻沙，而男朋友通常食熱辣辣嘅Pepper Lunch嘅黑椒牛肉飯，鐵板上，吱吱聲，香噴噴。有時又會去食台式鐵板燒，睇住師傅喺枱前雙鏟齊飛，香得過份。最近出咗個餐：有龍蝦、有鮑魚、有扇貝魷魚，食到飽一飽，都係每人二百零蚊，大滿足！

兩個人食得唔多，最好去food court，可以每樣點些少，靈活彈性，而且價錢相宜。

大食代有17間食肆，由點心到甜主菜，甚至甜品，式式俱備，好多選擇。

星洲叻沙$58(配飲品)(e)

湯底香濃，椰香撲鼻，充滿南洋風情。

傳統土司套餐$35(e)

胃口唔開嘅夏天，一份香甜咖央多、兩隻半熟蛋加杯濃郁南洋咖啡，啱啱好。

大盛黑椒牛肉飯 $55(f)

熱辣辣嘅鐵板上肉香四射，配上店家特製嘅黑椒汁，完全演譯咗咩叫做色香味俱全。

望住師傅喺面前雙鏟齊飛，即煎即食，特別好味。

龍蝦海鮮二人盛$538 (g)

有龍蝦尾、鮑魚、扇貝、魚柳，連青菜白飯，食得飽飽，每人都係二百零蚊。

(a)煌府 (shop 307)