尖沙咀凱悅酒店蟹宴自助餐！$388起任食蟹腳/麵包蟹/避風塘炒蟹｜自助餐我要

尖沙咀凱悅酒店蟹之盛宴自助餐 $388起任食松葉蟹腳/蘇格蘭麵包蟹！

由即日起至2022年7月31日，尖沙咀凱悅酒店咖啡廳推出全新「蟹之盛宴」主題自助餐，多款美食都以蟹作主打，$388起就可以食到自助午餐，供應蟹肉飛魚籽沙律、泰式蟹肉青木瓜沙律、軟殼蟹青瓜卷、蟹肉蛋白炒飯及蟹肉番茄羅勒薄餅，而自助晚餐更提供冰鎮松葉蟹腳、麵包蟹、蟹肉濃湯、蟹肉周打湯、蟹肉蟹膏軍艦壽司、軟殼蟹天婦羅、避風塘炒蟹、星洲胡椒蟹及芝士輪蟹肉蟹皇意大利飯等。

先有頭盤開胃蟹肉飛魚籽沙律、泰式蟹肉青木瓜沙律、暖暖的蟹肉濃湯及蟹肉周打湯，跟住可以享用冰凍海鮮，包括加拿大松葉蟹腳及蘇格蘭麵包蟹，其他海鮮仲有新西蘭青口、越南大蝦、小龍蝦及無限量凍波士頓龍蝦等，全部任你食！

軟殼蟹/避風塘炒肉蟹/星洲胡椒肉蟹

日式美食方面，唔好錯過軟殼蟹青瓜卷同蟹肉蟹膏軍艦壽司，天婦羅區更供應酥脆多汁的即炸軟殼蟹！

當然唔少得多款以蟹入饌的熱食及主菜，包括蒜香撲鼻的港式避風塘炒肉蟹、香辣惹味的星洲胡椒肉蟹、鑊氣十足的蟹肉蛋白炒飯、美味的蟹肉扒西蘭花及新鮮即焗的蟹肉番茄羅勒薄餅，各式美食一應俱全！

另外，更有廚師在巨型巴馬臣芝士輪上即炒蟹肉蟹皇意大利飯，巴馬臣芝士的淡淡堅果香氣，更令蟹肉鮮味提昇不少，一定要去試下！

除了以上主題美食，自助餐亦提供新鮮炮製的日式刺身及壽司，同埋各國菜式包括精選天婦羅、燒烤、即煎鐵板燒等美食，仲有多款自家製精選甜品等！而自助晚餐特色菜更有鴨肝鐵板燒、天多利烤羊架、慢烤原條頂級牛肋骨肉、西式香草烤乳豬、北京烤鴨等，一定令你食到捧住個肚返屋企，各位蟹迷即刻訂位啦！

「蟹之盛宴」主題自助餐

地址︰ 尖沙咀河內道18號尖沙咀凱悅酒店大堂樓層（顯示地圖）
電話：3721 7700或透過酒店網頁預訂
備註：另收10%服務費；以上推廣或因政府就飲食處所的堂食限制而作更改。
運作模式： 每枱最多8位賓客，客人必需使用「安心出行」手機應用程式。客人全部必須已接種最少兩劑疫苗。根據政府實施的「疫苗通行證」，客人均須主動向餐廳職員出示疫苗接種紀錄或豁免證明書及相關二維碼。12歲而沒有成人陪同，則須填寫指明表格提供相關資料。