【年度食材冠軍雞翼】5000隻尖叫雞波波池！全港最大尖叫雞 X 雞翼嘉年華！淺水灣瘋狂玩尖叫雞兼一次過食近百款雞翼

撰文：Mandy｜圖片：相關機構、網上圖片

年度食材冠軍雞翼終極一擊　尖叫吧！海賊雞翼嘉年華

雞翼作為本年度香港人民選的食材冠軍，可想而知其受歡迎程度，這次「尖叫吧！海賊雞翼嘉年華」來到淺水灣，實行全民邊尖叫、邊食雞翼。活動以不同口味雞翼作主題，可以讓一眾「雞翼精」一次過嘗盡近百款口味雞翼，食飽就可以與5,000隻尖叫雞一起瘋狂尖叫打卡，實行叫爆全場！

波波池就玩得多，今次由5,000隻尖叫雞組成的「波波池」你又玩過未？一隻尖叫雞輕輕一捏已經可以長叫一聲，更何況幾千隻一齊叫！相信到時尖叫聲一定此起彼落，非常誇張！

除了波波池及打卡位，現場亦有多款尖叫雞主題攤位遊戲及小型障礙賽，例如傳統的拋圈圈套玻璃樽，就變成把圈圈套中尖叫雞，十分搞鬼，大人細路都啱玩。

有Youtuber曾經躺在100隻尖叫雞上，尖叫聲不絕於耳，100隻都如此誇張，更何況是幾千隻！

提到尖叫雞，又點少得提起它們的歌喉呢？尖叫雞大唱不同經典歌曲，上網睇片就睇得多，今次終於可以現場一齊Jam歌！擅長用尖叫雞叫聲改編歌曲的澳門音樂人「Pai LeaDer 排長」，將於8月25日現身淺水灣，與大家齊齊Jam歌，實行全城尖叫，叫到對面海都聽到！
由排長製作的尖叫雞版本浮誇，果然夠晒浮誇。

號稱唱歌比不少人好聽的尖叫雞，更是沒有語言限制，可以唱出不同語言的歌曲。

嘉年華分為兩個階段，第一個星期以火辣雞翼作主題，一連兩日舉辦火辣雞翼派對，現場有數十款即叫即煮的辣味雞翼，包括經典初階水牛城雞翼、惹味新加坡辣蟹味雞翼、紐奧良香粉雞翼、極限級死神雞翼等，保證新鮮熱「辣」，辣得之人萬勿錯過！

近年愈來愈多雞翼專門店，今次本地創意雞翼品牌Wingman將於8月18日，舉辦只此一場的全港最大型辣雞比賽（Hot Wings Challenge），以號稱世界上最辣的地獄辣椒炮製出終極Hot Wings Challenge。挑戰者需於限時內完成Level 1至8的辣味雞翼，最終最辣得的勝出者，將獲得the pulse x Wingman「辣得之皇」獎杯、Wingman送出現金獎港幣1,000元及價值港幣1,000元Wingman現金券。自問辣得之人，快點報名參加吧，不過記得要帶定多張紙巾，以免到時辣得標眼水！

第二個星期以創新口味為主題，搜羅近百款新奇雞翼，包括原創人氣玫瑰雞翼、鬼馬我係鹹檸7雞翼、菠蘿啤酒麥香風雞翼、養生熱情果紅棗寶寶雞翼等，衝擊大家的味蕾！

現場更設有特色水煙，可以邊歎海景，邊chill住歎雞翼。

尖叫吧！海賊雞翼嘉年華

日期：8月17、18、24、25日（星期六及日）
時間：2pm-8pm
地點：淺水灣海灘道28號the pulse 商場天台
費用：網上購票$99，現場購票$120
報名詳情：pirateswingsfest.eventbrite.com
*每張入場券包括雞翼4隻、海賊造型尖叫雞1隻及海賊帽1頂