出走小歐洲！ 澳門 5大必試葡國菜 ＠Dining娜

（presented by Unionpay)

安東尼奧・亞洲500大餐廳

很多人去 澳門 必定去氹仔官也街，其實附近的木鐸街及地堡街都有好多極正嘅葡國餐廳！環境清幽、隱密的安東尼奧，開業兩年已成為米芝蓮推介餐廳之一，至今從未間斷，更是亞洲500大餐廳之一。主廚António Coelho堅持以傳統做法炮製葡國菜，祖傳秘方秘製的海鮮雜燴，麵包蟹、帶子、青口、蜆等全是葡萄牙進口貨，再加上濃郁蝦湯作上湯燉煮而成，咸鮮味十足。甜品亦見心思，橙酒可麗餅(亦即法式薄餅Crêpe)，就落足橙酒、白蘭地及砵酒三款靚酒，更即場在客人面前烹煮，絕對係味覺與視覺雙重享受！

安東尼奧
地址：澳門氹仔舊城區木鐸街7號
電話：853－2888 8668
備註：以銀聯卡消費，全單可享9折優惠。

利安咖啡屋・平民價嘆米芝蓮

咪以為米芝蓮推介就一定貴，利安咖啡屋價錢就非常親民。菜式既有葡國特式，亦切合了中國人口味。簡單的咖喱燴牛尾堅持使用新鮮牛尾，並且連皮炆足半天，不但牛肉夠入味，口感軟腍，牛皮因為膠質豐富，炆燜後Q彈、滑溜。招牌菜燒雞釀飯，將炒飯釀入雞腔內，再原隻烤焗，炒飯吸收哂雞油及精華，皮脆飯香，三五知己分甘同味最好不過。如果一大班朋友去，建議你一試燒乳豬及燒乳豬釀飯，勁大碟，差不多要10個人才能K.O！想食乳豬的話，記住要早1 日電話預訂呀，同埋燒乳豬釀飯係需要預先俾埋錢㗎～

利安咖啡屋
地址：氹仔舊城區地堡街79號泉福新邨第二期偉大閣第三座地下Q座
電話：853-2830 1189
備註：以銀聯卡消費，全單可享9折優惠（優惠期至2017年12月31日）。

葡多利正宗葡國菜・葡國連鎖啤酒屋分號

葡多利喺葡萄牙是老字號連鎖啤酒屋，開業超過90年。澳門呢間係亞洲首間分店，更從里斯本請來大廚Ricardo Alves及餐廳經理 Diogo Vieira坐陣。店內招牌菜葡多利牛扒，從開業賣到而家，至今仲照足祖傳方法烹調，配上特製醬汁，香濃到不得了，襯埋各款葡萄牙直送生啤、葡萄牙酒，餐飯簡直 perfect！

葡多利正宗葡國菜
地址：氹仔舊城區買賣街5號
電話：853-6280 3992
備註：以銀聯卡消費，全單可享9折優惠。

佛笑樓3・百年老字號

佛笑樓是澳門百年老店，三間分店中以氹仔地堡分店最值得推介，裝璜以綠色為主調，採歐陸式設計，環境正，坐得夠舒服。主廚擅長將將葡國菜加入東方色彩，最出名燒乳鴿、咖喱炒蟹、扒魔鬼大蝦、非洲鷄等。葡式紅酒燴雞更是此分店特有，用葡國特選砵酒烹調，味道夠哂香濃。

佛笑樓3
地址：氹仔舊城區地堡街181-185號地下
電話：853-2882 5257
備註：以銀聯卡消費，全單可享9折優惠。

離開氹仔, 澳門本島其實都有好多正宗葡菜選擇. 若想搵間坐得舒服又可以嘆下靚酒嘅, dining 娜必推以下呢家位於皇都酒店內的花道 (FADO)。

花道葡萄牙餐廳・豪嘆精緻葡菜

皇都酒店內的花道 (FADO)，酒店位於東望洋燈塔所在的松山山腰，餐廳又經過翻新，環境寧靜，想到幾個好朋友摸下酒杯底、傾吓偈就最啱！由國際知名大廚 Luis Américo 主理，配上優質葡國進口食材，走高檔精緻葡菜路線，出完雙糧嚟嘆吓就夠哂爽歪歪。

花道葡萄牙餐廳
地址：得勝馬路2-4號
電話：853-2855 2222
備註：以銀聯卡消費，單點食品可享9折優惠。

最後提一提, 去澳門前更可在香港利用銀聯私人禮賓服務^專線3122-2333預訂餐廳，唔使打長途電話咁嘥錢又唔使驚到時無位。

^銀聯私人禮賓服務適用於指定銀聯白金/鑽石卡持卡人，詳情可瀏覽http://www.unionpayintl.com/hk/travel/premium-services.html。

銀聯澳門餐飲優惠詳情，請瀏覽http://unionpayintl.com/hk/hkserviceCenter/hkserviceCenter_qqyw/hk_qqth/hk_qqth_xgam/index.shtml