將軍澳人氣煲仔飯 日賣200海南雞煲飯＋火焰牛仔骨｜東港城【出街搵食】

撰文：Lisa 攝影：陳浩然

將軍澳東港城新店 煲仔做主角

這間新開的食店叫砂煲兄弟，聽名字就玩味十足，單是煲仔小菜就有近30款，煲仔飯就10款，有些更是聞所未聞的，還有煲仔麵、煲仔意粉等。

裝修有心思，以雜貨舖貨架為裝飾，店內各處都放有砂煲， 貫徹煲仔菜專門店的主題。

必吃海南雞飯 煲仔上！

當中人氣最旺的，一 定是海南風味雞煲飯，三黃雞只取髀位，用上湯浸15分 鐘令雞肉熟透，然後以傳統煲仔飯的煮法將混了黃薑、斑蘭、香茅、雞油的米飯煲熟，最後還要以細火烘出飯焦。

雞和飯分開上枱，避免煲仔的熱力將雞肉弄得過 熟。臨吃時，人客自行將甜豉油及雞件加到飯中，吃一 啖，果然很有南洋風味，雞嫩飯香，最不能錯過香脆飯焦，比平日吃慣的海南雞飯，多添脆口。

其他煲仔菜也精彩，以馬拉沙嗲醬炒香的牛仔骨，上枱時會 加入玫瑰露並點火，不止有視覺效果，經火一燒，更有收汁的效果，入口更濃味。

傳統風味 臘味煲仔飯

除了新奇煲仔款式，店內也有不少傳統煲仔飯，其中臘味飯，有臘腸、膶腸、臘肉，所有的臘味，也是特別向本地農場訂購的天然生曬貨色，油香四射，也吃得安心。

經濟實惠 日賣200煲飯

食物討好，消費也相宜，煲仔飯也不會特別貴，七八十元有找，兩個人share一個小菜、煲仔飯，再來客金沙西多士已經夠飽，每人大約一百蚊落樓，經濟抵食，開張不久，已有一班街坊客，晚市閒閒地賣200煲飯，很受歡迎。

店內也坐得舒適，3,000呎店面都是以從前的大牌檔為設計藍本，窗邊的天花位置，擺放了多個中國砂煲，既是裝飾，又時刻提醒店中各式煲仔名菜。最搶眼的水吧位，設計成雜貨舖的貨架模樣，可愛又親切。

砂煲兄弟
地址：將軍澳坑口東港城1樓101號舖
電話：2778 7020
營業時間：星期一至日8am-10pm

延伸閱讀：【出街搵食】椰子雞煲海鮮餐！$248食8款海鮮+肥牛｜長沙灣火鍋｜

【出街搵食】尖沙咀立食壽司 抵食Omakase食材產地直送｜日本菜｜