將軍澳2萬呎掃街小食新場 薑葱麵包蟹龍蝦＋鰻魚飯＋餃子 寶琳市場｜周末好去處

撰文：Joan 圖片：Woody

將軍澳2萬呎掃街小食新場

將軍澳寶琳街市最近翻新完畢，全場佔地2萬6千呎，同場分兩區，一邊是街市，另一邊是掃街小食場，現時有8檔已開幕，即睇有咩食！

1. 撈得店：薑葱麵包蟹＋龍蝦

撈得掂以海南特色美食為主，當中海鮮最為吸引！必食推介為薑葱炒麵包蟹及龍蝦，海鮮先炸後炒，香氣撲鼻，麵包蟹夠多膏，非常甘香；龍蝦肉質彈牙大件，食落惹味。

還有海南撈粉，一碗有好多配料，包括豬肉絲、臘腸片、鹹酸菜、蘿蔔絲、花生、芝麻、芫荽等，食時把所有配料撈在一起，再倒入以原隻龍蝦熬煮5小時的熱湯，別有一番滋味。

2. 泰饌：泰廚主理 鑊氣金邊粉

老闆兩兄妹都是泰國人，連請回來的廚師也堅持是泰國人，包保食物有泰式風味，泰式金邊粉即叫即炒，鑊氣十足，午市$30就有交易（不包海鮮），還有泰式咖哩、生菜包、串燒等地道泰菜，可以一試。

3. 紀文：日本老闆 12塊日式叉燒飯＋鰻魚飯

紀文由日本師傅主理，主打和風美食，飽肚的推介特盛日式叉燒飯，用日本珍珠米，飯面上並列12塊叉燒，非常足料，啱晒肉食獸，叉燒上再淋了鰻魚汁，味道香甜，送飯一流。而且性價比高，只賣$56/碗！另外也有鰻魚、滑蛋豬扒、日式咖喱飯等選擇。

檔口內還有多款炸物列陣，成功吸引街坊的注意，炸魚丸有達8款口味，有洋葱、蒜頭和粟米等口味，最搞笑是有童星點心麵味，魚丸內有多條軟腍的麵條，非常創新。

4. 名店車仔麵：香辣雞翼尖

車仔麵小店，餸料有近40款，有黑松露肉丸、瑞士雞翼、豬手、佐賀豬軟骨等選擇，醫肚一流。也有祖傳秘方碗仔翅，切絲幼細分明、湯底香濃，不過個人認為最吸引的是雞翼尖，$22大大碗，越食越有辣勁，記住買定杯飲品解辣。

5.燒賣王子：即包燒賣＋新推餃子

幾乎每間街市的熟食檔都會見到燒賣王子的蹤影，燒賣一如往常在店內即包，常常會見到呀姐摩打手極速快包好一大籠，Size比平常街邊賣的大點，魚肉份量不少，吸引不少街坊幫襯。也在傳統的燒賣加點新嘗試，推出黑色的墨魚汁燒賣，吃下還有墨魚粒在內，好有咬口。

今次進駐將軍澳更新推即包餃子，有粟米雞肉和椰菜豬肉口味，可選煎或蒸，密密出爐，食時記住加埋辣辣菜甫。

6. 手作功夫茶：黑糖珍珠鮮奶＋芝士奶蓋果茶

源自台中的新晉台飲店，主打是大家熟悉的珍珠奶茶、黑糖珍奶、水果茶、芝士奶蓋等。

寶琳市場

地點：將軍澳寶琳北路18號寶林市場（顯示地圖）
營業時間：9am-1am
備註：街市除現金外，接受八達通、信用卡、銀聯、WeChatPay等付款方式
Fb專頁：寶林市場