【自助餐放蛇起底組】酒店平食「蟹」宴!! 任食大閘蟹 +肉蟹+膏蟹
撰文、攝影：放蛇組
任食大閘蟹 ：7:30pm派大閘蟹 每人每次限取一隻
自助餐由6:30pm開始，可以任食3小時，時間充裕，可以慢慢歎。不過大閘蟹要等到7:30pm才會開始派發，每人每次限取一隻，縱然放蛇當晚全場並不多人，但店員都沒有手鬆，每個食客只能拿一隻，需返回座位後再來拿取。大閘蟹以蒸籠即蒸，隻隻熱到辣手，當晚全是蟹公，size較細，目測約有2両-2.5両半。
桌上放了剪刀和濕紙巾，不過拆肉工具則要舉手向店員問才有，拿上手亦有黐立立的感覺，有點嘔心。記者前後一共試了4隻大閘蟹，每隻膏量都偏少，只有一小匙，第一隻蟹膏顏色很淺，味道似放了很久的鹹蛋黃，更有微微腥味；第二隻的蟹膏顏色較鮮色，味道正常，較creamy；而第三隻和第四隻的大閘蟹雖然膏量都不多，但味道則不錯，有返少少鹹蛋黃的味道！而由於蟹隻較細小的關係，蟹肉亦不太多，不善拆蟹的想食都可能只能吃到肉碎。派大閘蟹的同時亦有蟹粥可以拿取，粥內雖有蟹隻，但食落沒有蟹鮮味，反而薑味較重。
大閘蟹由7:30pm開始派發，每人每次限取一隻。
蟹用蒸籠蒸，拿上手都熱辣辣。
試食當晚全是蟹公，size較細小，目測約有2両至2.5両重。
枱上有剪刀，拆肉工具要問店員拿。
第一隻大閘蟹蟹膏顏色較淺，膏量不多，有微微腥味。
膏量只有一小匙
第二隻大閘蟹膏量同樣不多，但味道較正常，亦較creamy。
第三及第四隻味道則最好，有返少少鹹蛋黃的香味。
蟹粥內雖有蟹隻，但食落反而薑味較重。
食完蟹記緊拿杯熱薑茶飲，不過記者略嫌不夠薑辣。
蟹腳+膏蟹+肉蟹+焗蟹蓋無限量供應
除了大閘蟹，當晚亦有冰鎮蟹腳，熱盤有鮮茄茸地中海紅膏蟹、九層塔泰式香辣肉蟹、薑蔥炒蟹和焗蟹蓋。味道方面都沒有大問題，蟹腳不算太長，味道雖沒有雪味，但可再鹹鮮點。除蟹腳外亦有2款海鮮：海螺和海蝦肉質都彈牙，但其中一隻海螺有沙，要扣分。另外還有5款即叫即切的刺身、壽司、粉麵live station和大量熱盤，選擇都ok。
蟹腳不夠鹹鮮，但夾完後亦有密密refill，食多幾隻補數啦。
海螺和海蝦都ok。
有5款刺身，即叫即切，魚鮮味再重點會更好。
九層塔泰式香辣肉蟹雖然眼見有很多九層塔和辣椒，但味道是完全不辣，亦不夠香。
鮮茄茸地中海紅膏蟹有蟹鉗和蟹身，蟹鉗雖大隻但沒有打碎硬殼，要自己弄開，好難優雅地吃啊！
焗蟹蓋都是大家熱搶菜式，但refill速度都快，味道似雜菜粒再加上忌廉湯，勁搞鬼。
另外亦有粉麵live station，還有大量熱盤例如甜酸柚子骨、XO醬炒豬頸肉、豬軟骨、咖喱和寛條麵等。
甜品：Dreyer’s雪糕+小蛋糕+雞蛋仔
食飽後還有不少甜品可以掃食，雪櫃內有各款小蛋糕、布甸、泡芙和芝士餅等，不過要叫店員幫忙拿取，有點麻煩。除外亦有雞蛋仔、麵包布甸和柚子蜜蛋散，更有兩款Dreyer’s雪糕，正呀！
甜品櫃內有各款蛋糕和布甸。
有雞蛋仔、麵包布甸和柚子蜜蛋散少少熱食。
Dreyer’s 雪糕任拿任食！
總結：這個以蟹做主題的自助餐一共有7道蟹的菜式，另外亦有少量海鮮和刺身、頗多熱盤和甜品，選擇都ok。但最期待的大閘蟹只有蟹公，size較細、膏量偏少，味道4隻內有3隻都不錯，其他亦不過不失。服務有禮貌的，平日$369可以任食3小時，價錢已包加一，而即使假日都只不過是$389，好平！可惜酒店位於香港仔，位置有點偏僻…
一句到尾：質素ok但無乜驚喜
如心南灣海景酒店 – LIS Café
地址：香港香港仔黃竹坑道55號P3 (顯示地圖)
電話：3968 8833
濃情蟹宴全自助晚餐供應時間：6:30pm-9:30pm
收費：
星期一至五：成人:$369、小童:$218
星期六至日及公眾假期：成人:$389、小童:$238
用餐時間：3小時
備註：已包加一，由即日至11月9日
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
